KAMMA-PARMESAANPASTA
Vervang parmesaankaas met broodkrummels
Ons gebruik ’n krummel pleks van duur parmesaankaas. Dis propvol geur en kan net so deur die pasta gemeng word sonder ekstra bestanddele.
GENOEG VIR 4 MENSE BEREIDING: 10 MIN. GAARMAAK: 20 MIN.
500 g spaghetti
KRUMMEL
1 ciabattarolletjie, in stukke gebreek 15 ml (1 e) botter 30 ml (2 e) olyfolie 4 knoffelhuisies, fyngedruk ’n hand vol pietersielie, gekap fyngerasperde skil van 1 suurlemoen 2,5 ml (½ t) brandrissievlokkies (opsioneel) sout en vars gemaalde peper AFRONDING sap van 1 suurlemoen olyfolie ’n hand vol vars roketblare suurlemoenwiggies 1 Bring ’n groot pot gesoute water tot kookpunt en kook die spaghetti tot al dente. Dreineer en hou eenkant.
2 Krummel Plaas die ciabattastukke in die bak van ’n voedselverwerker en verwerk tot fyngekap. 3 Verhit die botter en olie in ’n pan en voeg die broodkrummels by. Roerbraai 1 min. Voeg die knoffel by en roerbraai tot die krummels goudbruin en die knoffel geurig is. 4 Haal die krummel van die stoof af en meng die pietersielie, suurlemoenskil en brandrissievlokkies deur. Geur goed met die sout en peper. 5 Afronding Skep die spaghetti in ’n opdienbak en sprinkel ¾ van die krummels oor. Geur met die suurlemoensap en voeg ’n skeut olyfolie by. Meng alles goed. Besprinkel met die res van die krummels en sit voor saam met die roket en suurlemoenwiggies.