Mahershala Ali speel hoofrol in nuwe seisoen van True Detective
Hollywood se goue seun speel die hoofrol in ’n nuwe seisoen van True Detective
OP ONS KASSIE
Die 44-jarige ster se naam was in 2017 op almal se lippe toe hy ’n Oscar vir beste manlike byspeler vir sy spel in die drama Moonlight gewen het. Hy is onlangs met sy eerste Golden Globe vereer, ook vir beste manlike byspeler, vir sy spel as die jazzpianis dr. Don Shirley in die biografiese fliek Green Book. Dit word op 15 Februarie hier uitgereik.
Nou gons dit behoorlik oor Mahershala se hoofrol as die speurder Wayne Hays in die derde seisoen van die dramareeks True Detective. Hays en sy speurmaat ( Stephen Dorff ) moet die verdwyning van twee kinders in 1980 in West Finger, Arkansas, ondersoek.
Mahershala sou aanvanklik nie die hoofrol vertolk nie. “Die hoofkarakter was wit en die ander polisieman swart,” sê hy. “Ek kon die tweede hoofrol, die ondersteunende karakter, gespeel het. Maar in my kop het ek gedink: ‘Ek doen dit al my hele loopbaan lank.’ ” Toe stuur hy foto’s van sy oupa, wat ’n polisieman was, aan die reeks se skepper, Nic Pizzolatto, as bewys dat swart polisiemanne in daardie tyd in Arkansas in topposisies was. Die res is geskiedenis.
SY PAD NA BO
Sy ma, Willicia, was 16 en sy pa, Phillip Gilmore, 17 toe hy in Oakland, Kalifornië, as Mahershalalhashbaz gebore is. Dié naam het sy ma, die dogter van ’n Baptistepredikant, uit True Detective is Woensdae om 22:10 op M-Net. die Bybel gekies. Sy ouers is uitmekaar toe hy drie was.
Sy pa, ’n danser, het in die laat 1970’s ’n TV-talentkompetisie gewen en New York toe verhuis om ballet te studeer en teaterwerk te doen. Sy ma, ’n haarkapper, het in die 1980’s weer getrou. Willicia, later self ’n predikant, se huishouding was op roetine en gebed geskoei. Ma en seun het gereeld koppe gestamp, en Mahershala het op 16 by sy grootouers ingetrek. Sy pa is dood toe hy 20 was. Hy het ’n basketbalbeurs gekry om aan Saint Mary’s, ’n kollege in Kalifornië, te gaan studeer en het in 1996 ’n graad in massakommunikasie verwerf. Toe byt die toneelgogga.
In sy byna twee dekades in die vermaakbedryf was die hartebreker van 1,87 m lank al te sien as die voormalige perssekretaris Remy Danton in die Netflix-trefferreeks House of Cards en Taraji P. Henson se lewensmaat in Hidden Figures.
GELOOF
Sy pa se e dood het hom geeruk, vertel hy – so- danig dat hy sy y Christengeloof f bevraagteken het. . Hy het hom in 1999 99 tot Islam bekeer nadat Amatus us Sami-Karim, ’n medestudent aan die New York-universiteit, waar hy drama studeer het, hom aan dié geloof blootgestel het. Hulle is in 2013 getroud. Sy verhouding met sy ma het versuur toe hy van geloof en sy van verander. Hulle het intussen versoen.
Mahershala en Amatus se dogter, Bari Najma Ali, is in Februarie 2017 gebore, dae voor hy die eerste Moslemakteur geword het wat ’n Oscar wen. Terwyl hy aan True Detective geskiet het, het sy vrou en kind gereeld van hul huis in Los Angeles gereis om hom op die stel in Arkansas te besoek.
BRONNE: VARIETY.COM, HOLLYWOODREPORTER. COM, DAILYMAIL.CO.UK, IMDB.COM, LATIMES.COM, HUFFINGTONPOST.COM, THEGUARDIAN.COM, GQ.COM