BESSIEFILOSTAPEL

GENOEG VIR 4-6 MENSE BEREIDING: 30 MIN. GAARMAAK: 20 MIN. FILO 3 velle filodeeg 60 ml (¼ k) botter, gesmelt 30 ml (2 e) strooisuiker VLA 500 ml (2 k) melk 60 ml (¼ k) vlapoeier 30 ml (2 e) mielieblom 60 ml (¼ k) suiker AFRONDING 500 ml (2 k) vars bessies van jou eie keuse (soos moerbeie, frambose en aarbeie) 125 ml (½ k) room, styfgeklop 30 ml (2 e) versiersuiker Die bros filodeeg is heerlik saam met die verskeidenheid vars bessies. Die deeg en vla kan vooraf gemaak en net voor ete afgerond word. Voorverhit die oond tot 180 °C. Voer ’n bakplaat met bakpapier uit en bespuit met kossproei.

1 Filo Verf ’n vel van die filodeeg met die botter. Plaas nog ’n vel deeg bo-op en verf weer met die botter. Plaas die laaste vel deeg bo-op en verf weer met die botter. Sprinkel die suiker oor die deeg. 2 Sny die deeg in reghoeke van 15 x 10 cm. Pak die deegblokke op die bereide bakplaat en bak 7-10 min. of tot goudbruin en bros. Haal die bakplaat uit die oond en laat heeltemal afkoel.

3 Vla Hou 60 ml (¼ k) van die melk eenkant en giet die res in ’n kastrol. Verhit die melk tot net onder kookpunt. 4 Meng die vlapoeier, mielieblom, suiker en orige melk goed. Giet die vlamengsel by die melk in die kastrol en verhit terwyl jy aanhoudend roer. Laat die mengsel prut tot dik. 5 Skep die vla in ’n spuitsak en plaas in die yskas om te verkoel.

6 Afronding Plaas ’n deegblok op ’n bord en spuit van die vla bo-op. Pak ’n laag bessies boop die vla en sit nog ’n laag deeg bo-op. Smeer van die geklopte room oor en pak nog bessies bo-op. Plaas nog een laag deeg bo-op en sif die versiersuiker oor. 7 Maak nog stapels met die res van die deeg, vla, room en bessies. Sit dadelik voor.