’NRINGVIRJ-LAW
Die tonge het begin klap nadat sy met ’n knoets aan haar trouvinger in ’n restaurant gewaar is. Kort voor lank het Jennifer Lawrence (28) se woordvoerder aan die skinderwebtuiste Page Six bevestig: Sy en haar kunshandelaarkêrel, Cooke Maroney (34), gaan trou.
Haar aanhangers is in die wolke oor die goeie nuus. “Dit was ’n tamaai steen. Hulle het gelyk of f hulle feesvier, en mense het daaroor gepraat,” het ’n ooggetuie vertel.
J-Law en die Brits gebore Cooke is in Junie verlede jaar die eerste keer saam gesien nadat hulle mekaar deur ’n gemeenskaplike vriend ont- moet het. “Cooke is smoorverlief op haar. Dit lyk beslis of hulle op lang termyn bymekaar is,” het ’n bron vroeër vanjaar aan Us Weekly gesê.