Oos en Wes span saam in Japandi
Die Oosterse en Westerse wêreld kom bymekaar in Japandi, ’n samesmelting van Japannese en Skandinawiese style
MINIMALISME met ’n skeut warmte en kleur – dis wat jy kry wanneer jy Japannese en Skandinawiese dekorstyle meng. Die nuwe “Japandi”-neiging bevat skoon, eenvoudige lyne, maar kombineer dit met donkerder houte, sagte kleure en items met ’ n handgemaakte gevoel om ’ n huisliker voorkoms te skep.