PYN IN ONS GEHEUES VASGEBRAND
Die emosies spook by my sedert ek die artikel oor die Driehoekbrugramp gelees het.
Die betrokke skrywers verdien lof vir die puik verwoording van dié dag wat in ons geheues vasgebrand is.
Dis by ons ingeprent omdat ons kinders seergekry het.
Ses weke voor Hein Knoetze dié beroep verlaat, tref die grootste ramp hom: Sy kinders kry seer.
Onderwysers is stille getuies van gillende kinders wat binne oomblikke grootmense geword het.
Dankie, Huisgenoot, vir die mooi saam met die smart. Dit is die beste artikel nog oor die verskriklike seer.