SOET-SUUR VARK

GENOEG VIR 4 MENSE BEREIDING: 20 MIN. GAARMAAK: 30 MIN.

500 g varkfilet, in blokkies gesny

45 ml (3 e) koekmeel

BESLAG

250 ml (1 k) koekmeel

45 ml (3 e) mielieblom

5 ml (1 t) bakpoeier

250 ml (1 k) vonkelwater

SOUS

’n skeut olie

1 ui, grofgekap

20 g gemmer, gesny

2 rooi brandrissies, gehalveer

1 steel sitroengras, in fyn skywe gesny

2 knoffelhuisies, in skywe gesny

2 groen soetrissies, grofgekap

30 ml (2 e) tamatiesous

200 ml water

1 klein blik pynappel, grofgekap; hou die sap

150 g witsuiker

100 ml wit asyn

45 ml (3 e) mielieblom

koljanderblare vir afronding

Voorverhit jou diepbraaier tot 170 °C. (Verhit andersins olie in ’n diep kastrol.)

1 Bestuif die varkblokkies met die meel en hou eenkant.

2 Beslag Klits die meel, mielieblom, bakpoeier en vonkelwater saam tot ’n gladde beslag vorm. Doop die bestuifde varkblokkies in die beslag om goed te bedek.

3 Braai dit in sarsies in die olie tot goudbruin en bros.

4 Sous Verhit die olie en soteer die ui, gemmer, brandrissies, sitroengras, knoffel en soetrissies tot sag.

5 Roer die tamatiesous, water en pynappel saam met die sap van die blik by en maak deurwarm. Voeg die suiker en asyn by en meng goed.

6 Klits die mielieblom saam met ’n klein hoeveelheid water in ’n ander bak. Roer die mielieblommengsel by jou sous in en laat prut om te verdik. Plaas die bros varkvleis in die sous en meng deur.

7 Rond af met die koljanderblare en sit voor saam met gestoomde rys.