Bad Bunny het die wêreld aan sy voete
Die Suid-Amerkaanse poster het binne twee iaar'n internasionale rapsensasie geword
LATYNSE TALENT
Benito Antonio Martínez Ocasio (24), die Puerto Ricaanse rapper Bad Bunny, is uiters gewild. Op Spotify het hy meer as 37 miljoen maandelikse luisteraars en in 2017 het hy meer as 4 miljard YouTube-trefslae vir sy musiekvideo’s gekry.
HY BEWEEG IN HOË KRINGE
Hy het ’n rits treffffers treffers agter sy naam, soos Mia en Te Guste saam met Jennifer Lopez. I Like It saam met Cardi B is vir ’n Grammy vir liedjie van die jaar benoem en sy debuutalbum, X 100pre, trek ook aandag.
HASIE
’n Foto van hom in gr. 1 het sy verhoognaam geïnspireer. Hy is gedwing om hasie-ore te dra vir die foto en het allesbehalwe gelukkig gelyk. Toe is Bad Bunny gebore.
KERKSANGER
Sy ma, Lysaurie, ’n afgetrede onderwyseres, het hom in ’n streng godsdienstige huis grootgemaak. “Sy is baie gelowig – Katoliek – en het my van jongs af kerk toe geneem,” vertel dié oudste van drie kinders. Hy was in die kerk se kinderkoor tot op 13 toe hy besluit hy’s “te oud” vir die koor.
AAN DIE BEGIN . . .
Hy het op vyf geweet hy wil eendag ’n musikant word. Ná skool het hy oudiovisuele kommunikasie aan die Universiteit van Puerto Rico studeer, maar opgeskop. Terwyl hy in ’n supermark as ’n pakker gewerk het, het hy liedjies op SoundCloud gedeel. DJ Luian het die snit Diles gehoor en hom ’n kontrak aangebied. Toe word hy in 2016 ’n rapsensasie.
MODESIN
Hy is bekend vir sy klein, modieuse sonbrille en oorpakke wat hy van kleintyd af dra. In die musiekvideo vir sy aansteeklike liedjie Mia saam met Drake dra hy ook ’n oorpak.
‘Ek wil hê mense moet oor 10 of 20 jjaar jaar steeds my musiek geniet’