‘EK KEN OOK SO IEMAND!’
Sekere persoonlikheidstipes sien jy oral tydens die inperking – hoekom tree hulle so op?
DIT voel eintlik asof dit al jare lank so aangaan, hierdie vreemde inperkingstyd waar die huis ons kantoor, oefenplek, skool én kuierplek is. Toe pres. Cyril Ramaphosa in Maart aangekondig het Suid-Afrikaners moet tuisbly om die verspreiding van die coronavirus te probeer vertraag, moes ons almal ’n nuwe manier van leef aanleer – en dit sonder dat ons wyn mag koop om die senuwees ’n bietjie te lawe!
Elkeen hanteer dié uitdagende tyd anders, maar tog kom sekere lockdownpersoonlikhede oor en oor na vore: Jy hoef net na die res van jou familie en vriendekring te kyk of in die sosiale media of op jul buurt se WhatsApp-groep te loer om dit raak te sien.
Dis nie dat jy ’n nuwe persoonlikheid ontwikkel nie, verduidelik dr. Henk Swanepoel, ’n kliniese sielkundige van Centurion.
“Jou persoonlikheid is staties en reeds gevestig – en dít bepaal hoe jy die inperking hanteer.”
Kom, tel ’n bietjie: Met hoeveel van dié inperkingskarakters het jý al in hierdie vreemde tyd te doen gekry?
DIE KLAKOUS