TANDOORI-HOENDER

Ek noem myself ’n foodie, wat beteken ek verstaan geur en hou van lekker kos. Waarheen ek ook al gaan, soek ek voortreflike kookkuns. Tot dusver het ek nie ’n hoendertandoori opgespoor wat dié een oortref nie. Jy kan dit in die oond of oor die kole maak. Dis belangrik om die hoender taamlik diep te keep sodat die marinade volkome geabsorbeer word. Die jogurt en suurlemoensap in die marinade versag die vleis. Dus is dit ’n goeie idee om dit ’n paar uur te laat marineer voor jy dit gaarmaak.

GENOEG VIR 4 MENSE BEREIDING: 30 MIN. MARINEER: 4 UUR GAARMAAK: 20-30 MIN.

4 vellose hoenderstukke (boudjies en dye, of borsies) 250 g dubbelroomjogurt 1,25 ml (¼ t) garam masala 1,25 ml (¼ t) fyn koljander 1,25 ml (¼ t) fyn komyn

60 ml (¼ k) suurlemoensap 5 ml (1 t) sout

30 ml (2 e) eiergeelkleurige voedselkleursel

VIR VOORSIT vars koljander komkommer- en sprietui-linte raita naan

1 2

Gebruik ’n skerp mes en maak kepe in die hoenderstukke tot by die been. Vir die dye en boudjies sal ’n paar kepe voldoende wees, maar omdat die vleis van die bors veel dikker is, sal die kepe kruis en dwars moet wees sodat die marinade egalig kan versprei.

Meng die res van die bestanddele in ’n bak om ’n marinade te maak. Voeg die hoenderstukke by en vryf met die marinade in tot dit goed bedek is. Bedek die bak met kleefplastiek en laat die hoender ’n paar uur in die yskas marineer.

4 Jy kan die hoender in die oond of oor die kole braai. Hoe ook al, dit sal heerlik wees.

Rond af met die vars koljander en sit voor saam met die komkommeren sprietuilinte, raita en naan. 3 5