DURBANSE LAMSVLEIS-BUNNY CHOW
Durban het die bunny chow beroemd gemaak. Dis ’n gereg wat my na my kinderjare terugvoer. Met dié dat ek uit ’n gesin kom wat die kookkuns vier, is die skep van die beroemde bunny chow meer ’n wetenskap as ’n kuns. Die kuns lê waarskynlik in die eet: Gebruik jou vingers!
GENOEG VIR 4 MENSE BEREIDING: 30 MIN. GAARMAAK: 40 MIN.
125 ml (½ k) olyfolie 1 middelslag-ui, in skywe gesny
3 kaneelstokke
5 ml (1 t) komynsaad 1 takkie vars kerrieblare 7 ml (1 opgehoopte t) gemmer-en-knoffelpasta 1 kg lamskenkels
2,5 ml (½ t) sout 1
50 g matige kerriepoeier 4 middelslag-aartappels, gehalveer
1 ongesnyde brood gekapte vars koljander
Verhit die olyfolie in ’n groot, diep kastrol en braai die ui, kaneelstokke, komynsaad en 3 kerrieblare tot die ui deurskynend en sag is. Voeg die gemmer-enknoffelpasta by gevolg deur die lamsvleis en sout. Meng goed. Voeg die kerriepoeier by wanneer die lamsvleis begin braai en verbruin. Maak seker die lamsvleis is egalig met die pragtige speserye bedek. 5
Plaas ’n deksel op die kastrol en laat stoom om vloeistof te skep wat deel van die sous sal vorm. Roer elke paar minute. As daar nie genoeg vloeistof is nie, voeg ’n halwe koppie kookwater by. Voeg ná 20 min. die aartappels by en nog kookwater 6 indien nodig. Die kerrie is reg wanneer die aartappels deurgaar en sag is.
Sny die een punt van die brood af en verwyder die sagte binnekant van die brood met ’n mes.
Skep die kerrie in die brood-“bak” tot dit oorloop. Druk die sagte binnekante van die brood in enige oorblywende sous in die kastrol. Afronding Rond af met die gekapte koljander en sit met trots voor. ■