TERIJAKI-HOENDERBAKKIES
GENOEG VIR 4 MENSE BEREIDING: 15 MIN. GAARMAAK: 25 MIN.
250 ml (1 k) bevrore edamamebone in die peul of suikerertjies 250-300 g soba- of eiernoedels
200 g groenbone, fyngekerf 10 ml (2 t) sesamolie 500 g ontbeende hoenderdye of borsfilette 4x250 ml (4 k) terijakimarinade
30 ml (2 e) grondboontjieof sonneblomolie
250 ml (1 k) growwe broodkrummels
30 ml (2 e) swart en wit sesamsaad PIEKELGEMMERGROENTE
1 wortel, met ’n groenteskiller in linte gesny 4 radyse, in dun skywe gesny
30 ml (2 e) gepiekelde pienk gemmer en 30 ml
(2 e) piekelvloeistof
VIR VOORSIT
Japannese of enige ander romerige mayonnaise
1 Bring ’n kastrol water tot kookpunt. Blansjeer die edamame of ertjies 1 min. Skep met ’n gaatjieslepel uit die water. Gebruik dieselfde water en kook die noedels volgens die aanwysings op die verpakking. Voeg die groenbone in die laaste minuut by. Dreineer. Skil die edamamebone of hou die suikerertjies heel as jy dit gebruik. 2 Vee die kastrol droog en skep die sesamolie daarin. Plaas die noedelmengsel terug in die pan en meng goed. Sit die deksel op om dit warm te hou.
3 Bedek die hoender in ’n bak met die helfte van die marinade. Verhit die helfte van die grondboontjie- of sonneblomolie in ’n braaipan oor hoë hitte. Braai die hoender 6-7 min. terwyl jy dit omdraai tot deurgaar. Voeg die oorblywende marinade by en laat prut. 4 Piekelgemmergroente
Plaas al die bestanddele in ’n klein bak. Meng goed en plaas vir 5 min. eenkant.
5 Verhit die oorblywende olie in ’n braaipan oor hoë hitte. Roerbraai die krummels en saad 1-2 min. tot goudkleurig.
6 Vir voorsit Verdeel die noedels tussen vier bakke. Skep die hoenderskywe, gepiekelde groente en geskilde edamamebone of suikerertjies bo-op. Bestrooi met die geroosterde krummelmengsel en rond af met ’n skeut mayonnaise.