JAMAIKAANSE VARK-EN-PYNAPPELBAKKIES

GENOEG VIR 4 MENSE BEREIDING: 20 MIN. GAARMAAK: 20 MIN.

15 ml (1 e) olyfolie

15 ml (1 e) gemengde speserye

400 g varkfilet

½ pynappel, geskil, kern verwyder en in skywe gesny 60 ml (¼ k) gemmerlim 30 ml (2 e) bruinsuiker

1 x 400 g-blik swart of rooi nierbone, afgespoel en gedreineer

1 groot tamatie, in blokkies gesny

15 ml (1 e) lemmetjiesap sout en vars gemaalde peper

KOOLSLAAI

15 ml (1 e) mayonnaise

15 ml (1 e) lemmetjiesap 15 ml (1 e) fyngekapte gepiekelde jalapeño’s en 10 ml (2 t) piekelvloeistof 10 ml (2 t) Dijonmosterd

4 x 250 ml (4 k) versnipperde rooikool

2 stingeluie, fyngesny 1 wortel, in dun skywe gesny VIR VOORSIT

’n bos vars koljander lemmetjiewiggies

1 Meng die olie en speserye in ’n vlak bak. Voeg die vleis by en draai dit om sodat dit bedek is. 2 Verhit ’n braaipan oor matige hitte. Braai die varkvleis 10-12 min. of tot gaar na jou smaak. Bedek met foelie en laat 5 min. rus. 3 Voorverhit ’n riffelpan. Plaas die pynappel in ’n vlak bak, giet die gemmerlim oor en bestrooi met die suiker. Braai alkant 1-2 min. tot gekaramelliseer.

4 Meng die bone, tamatie en lemmetjiesap in ’n bak. Geur en plaas eenkant.

5 Koolslaai Klits die mayonnaise, sap, jalapeño’s, vloeistof en mosterd saam. Geur en voeg die kool, uie en wortel by. Meng om te bedek.

6 Vir voorsit Verdeel die slaai en bonemengsel tussen die bakke. Skep dik snye varkvleis, pynappel en koljander boop en sit voor saam met die lemmetjiewiggies. (Blaai om)