Heerlike heilsame eenbakmaaltye
Dié heerlik heilsame eenbakmaaltye sal almal laat vra vir nog
OOSTERSE BEESVLEIS-EN-SAMPIOENBAKKIES
GENOEG VIR 4 MENSE BEREIDING: 20 MIN. GAARMAAK: 30 MIN.
375 ml (1½ k) soesjirys 250 ml (1 k) klappermelk 250 ml (1 k) water
30 ml (2 e) sojasous
10 ml (2 t) sesamolie 2 knoffelhuisies, fyngedruk 400 g steak
100 g sjiïtake- of bruinsampioene
30 ml (2 e) groenteolie
1 bos pak choi, gehalveer, of 150 g babaspinasie 150 g mangetout-ertjies, skoongemaak 1 murgpampoen, gerasper 4 eiers rissiesous (sien wenk)
1 Spoel die rys deur ’n sif af tot die water skoon is. Plaas in ’n kastrol saam met die klappermelk en water. Verhit oor matige hitte tot dit kook, sit die deksel op en laat prut 12 min. oor lae hitte. Plaas vir 10 min. eenkant met deksel op.
2 Meng die sojasous, sesamolie en knoffel in ’n bakkie en hou eenkant. 3 Verhit ’n braaipan oor hoë hitte. Braai die steak 3 min. aan elke kant. Voeg die sampioene by, draai die steak om en braai 1 min. Giet die helfte van die sojamengsel in, laat prut 1 min. en draai die steak om sodat dit met die sous bedek is. Verwyder uit die pan. Laat die steak 5 min. rus en sny in dun skywe.
4 Verhit die helfte van die groenteolie in dieselfde pan oor hoë hitte. Roerbraai die pak choi, ertjies en murgpampoen 1-2 min. tot net sag. Voeg die oorblywende sojamengsel by en laat prut 15 sek. Skep in ’n bak en hou warm.
5 Verhit die oorblywende olie in dieselfde pan. Breek die eiers in die pan en braai 1-2 min. of tot gaar na jou smaak. 6 Verdeel die rys tussen vier bakke. Bedek met die groente, beesvleis en eier. Rond af met ’n skeut rissiesous.
Maak jou eie rissiesous: Meng 15 ml (1 e) elk gochujang (Koreaanse rissiepasta) of sriracha, rooiwynasyn en water, 30 ml (2 e) elk strooisuiker en sesamsaad en 5 ml (1 t) sesamolie.