MOEILIKE KEUSES IN KRISISTYD
Ons het op ’n dorp gewoon wat onveilig geraak het vir ons kinders. Verlede jaar het ek en die kinders na ’n dorp ver daarvandaan verhuis waar my familie woon. My man het kom kuier sodat ons kon kyk of dit op lang termyn kan werk. Ons vat toe ’n kans en my man kry ’n werk hier, maar verloor dit met die coronaviruskrisis. Hy kon toe weer ’n geleentheid kry om terug te gaan na sy ou werk. Ek sit nou alleen met die kinders op die nuwe dorp en het ’n werkgeleentheid hier gekry. My man beskou homself as die voorsiener. Moet ek teruggaan na my man of hier bly waar al my familie is? Hoe kies ek?
A op T
Om kalmte in die chaos rondom die pandemie te kry, moet ’n mens vir jou persoonlike riglyne stel binne die grense van die regulasies op die verskillende vlakke.
Met die inperking en al die onsekerhede wat dit meebring, is dit nie nou die tyd om belangrike besluite te neem nie. Moet voorlopig geen veranderings maak nie, maar beplan solank wat julle kan doen wanneer daar nie meer gesondheidsrisiko’s sal wees nie. As jy intussen ’n inkomste kan verdien, is dit ’n geleentheid wat jy gerus kan aangryp. Werk is skaars. Die feit dat jou man weer sy ou betrekking kon terugkry, is ’n kompliment vir hom. Dit moet beslis ’n bepalende faktor in jul besluitneming wees.
Jou ondersteuningstelsel in die krisis maak dit dalk makliker vir jou om alles te hanteer. ’n Mens kan egter nie jou uitgebreide familie bo jou huweliksmaat stel as jy ’n gesonde huwelik wil hê nie. Dit is belangrik dat jou maat weet hy is nommer een in jou lewe en dat jul keuses bepaal word deur wat die beste vir jul huwelik en gesin sal wees. Hou vas aan die wete dat julle as ’n gesin weer in die toekoms bymekaar sal wees, en gun jul kinders hierdie geborgenheid
Almal moet weet, jou familie inkluis, dat sodra daar groter sekerheid is jy en jou man jul verhouding eerste gaan stel en besluite neem wat vertroue in die hand werk.
Dit is terneerdrukkend as jy jou al so vroeg in jou lewe met vooroordele oor die teenoorgestelde geslag wil opsaal. ’n Mens kan jou nie te veel deur ander mense se waarnemings en ervarings laat beïnvloed nie.
Skinderstories en ander se menings kan verhoudings knou. Leer nou al om op jou eie oordeel staat te maak en op dié van mense wat jy kan vertrou, pleks
‘Vir kalmte in die chaos, stel persoonlike riglyne binne die grense van die regulasies’