WELKOME EN ONWELKOME GESKENKE VIR ’N KREEF
■ Die Kreef sal bekoor wees deur iets sentimenteels.
■ Kaartjies na ’n futuristiese fliek sal in die laai agterbly.
■ ’n Pamperlangsessie sal die Kreef uit sy/haar dop laat kruip.
■ Bly weg van funky bykomstighede en die jongste modes.
■ Kookboeke, kombuistoerusting of iets vir die spens is ideaal.
■ Enige geskenk wat sonder opregtheid gegee word, kan jy eerder los.
■ ’n Verpersoonlikte of selfgemaakte geskenk wys vir ’n Kreef jy gee om.
STEENBOK
21 DES – 20 JAN
Dis ’n goeie tyd om die strukture in jou lewe te hersien. Of jy jou professionele grense moet versterk of jou persoonlike roetine moet verander, neem ’n tree terug, heroorweeg en herstruktureer. Dink na oor jou verpligtings en verantwoordelikhede en bring dan die nodige veranderings aan. Waak teen negatiwiteit, twyfel en onnodige vrese vir die toekoms. GELUKKIGE NOMMERS
10, 26, 50, 3, 41, 13
WATERDRAER
21 JAN – 18 FEB
Mercurius, meester van die verstand, beëindig dié week sy agteruitbeweging – goeie nuus vir ’n Waterdraer wat wil kophou. Jy kan waarskynlik nou uitsien na suiwer denkprosesse en helderheid van die gees. Jou gedagtes kry hierdie week ’n hupstoot. Maak die meeste van geleenthede wat oor jou pad kom, of jy jou kennis uitbrei, studeer of opsies oorweeg. GELUKKIGE NOMMERS 25, 41, 46, 6, 36, 22
VISSE
19 FEB – 20 MRT
Jy is in die beste posisie om jou verbeelding en artistieke flair hierdie week in kreatiewe projekte te kanaliseer. Gee jou kreatiwiteit vrye teuels, of jy kuns wil skep, musiek wil maak, poësie wil skryf of dans. Stokperdjie of beroep, beginner of kenner: Gebruik jou talente as ontvlugting of om ander te vermaak. Moenie dat die ure betekenisloos verbygaan nie.
GELUKKIGE NOMMERS
3, 27, 49, 30, 9, 32
RAM
21 MRT – 19 APR
Jy moet nou jou gesin eerste stel, wat ietwat van ’n uitdaging kan wees vir ’n Ram, wat hou van dinge op hul manier doen. Of jy inval by die gesin se planne, tyd afstaan om te help of in jou beursie grawe om geliefdes te bederf, fokus op hulle eerder as op jouself. Dis ’n goeie week vir gehaltetyd, so deel stories, speel speletjies en hou kompetisies onder mekaar. GELUKKIGE NOMMERS
5, 21, 35, 45, 16, 40
BUL
20 APR – 20 MEI
Jou denkprosesse speel dié week ’n belangrike rol en kan nuttig of ’n hindernis wees. Gelukkig maak Mercurius, meester van die verstand, ’n skuif in die regte rigting, wat in jou guns sal tel. Nuwe inligting of insig oor persoonlike ontwikkeling, geldsake of jou loopbaan kan jou ingesteldheid uitdaag. Moenie hardkoppig wees nie, veral as dit vordering belemmer. GELUKKIGE NOMMERS 24, 32, 33, 48, 29, 12
TWEELING
21 MEI – 20 JUN
Jou planeet, Mercurius, beëindig hierdie week sy agteruitbeweging, wat dui op ’n positiewe wending. Die lewe is eenvoudiger met minder misverstande, tegniese foute, vertragings en ineenstortings. Dis ’n wonderlike week om op dreef te kom met persoonlike strewes of loopbaandoelwitte, veral as jy die afgelope ruk uit voeling was.
GELUKKIGE NOMMERS 12, 34, 51, 19, 38, 7