GEKARAMELLISEERDE-UIE-EN-BLOUKAASTERT
In dié resep omskep Reuben sy tradisionele familiestapelkosgeure in ’n moderner gereg. Hy maak hier klein tertjies, maar dit werk net so goed as ’n groter tert.
LEWER 1 GROOT TERT BEREIDING: 20 MIN. GAARMAAK: 30 MIN. BAK: 20 MIN.
TAMATIEBLATJANG
30 ml (2 e) olie
2,5 ml (½ t) swartuiesaadjies
1 lourierblaar
2 droë brandrissies, in stukkies gebreek 500 g romatamaties, ontvel, saadjies verwyder en gekap
7,5 ml (1½ t) brandrissiepoeier 180 g suiker
45 ml (3 e) rosyntjies 30 ml (2 e) appelasyn TERT
250 ml (1 k) kanola-olie 4 uie, in baie dun skywe gesny
500 g skilfer- of broskors, ontdooi
185 g bloukaas
60 g mascarpone- of roomkaas
1 eiergeel
100 g spinasieblare, fyngekap 1 Tamatieblatjang Verhit die olie tot warm en voeg die swartuiesaad, lourierblaar en brandrissies by. Voeg die tamaties by en laat prut 10 min. of tot sag. Voeg die brandrissiepoeier, suiker, rosyne en asyn by en verhit nog 15 min. of tot die meeste vloeistof afgekook en die blatjang ’n mooi glans het. Skep in ’n bottel en hou eenkant.
3 Tert Verhit die olie en braai die uie 20 min. liggies of tot mooi goudbruin. Giet die oorblywende olie af en hou eenkant.
4 Rol die deeg (ons het skilferkors gebruik) 7 mm dik uit en voer ’n 18 cm-losboomtertpan daarmee uit. Andersins kan jy kleiner tertjies maak deur sirkels van 10 mm dik uit te druk. 5 Voer die tertkors met bakpapier uit en vul met rys of droë bone. Bak 8-12 min. of tot die kors gaar maar nie bruingebak is nie.
6 Meng intussen die kase en eiergeel. 7 Verwyder die bakpapier en rys of bone uit die gebakte korse en skep die uie, kaasmengsel en spinasie in. Bak nog 1012 min. of tot die kaas gesmelt en die kors goudbruin is.
8 Sit voor saam met die tamatieblatjang.