CHINESE STYL BUFFALO-VLERKIES

Ons het almal al seker gehoor van die Amerikaanse styl buffalovlerkies en dit selfs al geproe, bedek in sy ryk, geurige en pikante sous. Wel, dié Chinese styl vlerkies is ewe lipleklekker; dis bros en sappig met ’n geurige smaak danksy die gefermenteerde rissieboontjies. Kry jou tong se sake agtermekaar, want elke happie het skop.

GENOEG VIR 4 MENSE BEREIDING: 10 MIN. GAARMAAK: 20-30 MIN.

500 g hoendervlerkies 750 ml (3 k) groenteolie vir diepbraai

50 g (½ k) mielieblom 30 ml (2 e) rissieboontjiesous

75 ml (5 e) rysasyn of appelasyn 22,5 ml (1½ e) tamatiepasta 30 ml (2 e) ligte sojasous 30 ml (2 e) suiker

1 Verwyder die punte van die hoendervlerkies met ’n kombuisskêr en verdeel elke vlerkie in die boonste deel van die vlerk (wat soos ’n klein boudjie lyk) en die plat kant (die middelste deel van die vlerkie wat die boudjie en die punt verbind). Druk elke stukkie droog met kombuispapier en laat staan eenkant.

2 Giet die olie in ’n groot kastrol en verhit tot 175 °C. Plaas die mielieblom in ’n groot bak en rol elke vlerkie daarin en tik die ekstra meel af. Braai die vlerkies 8-10 min. versigtig en in bondels sodat die pan nie te vol is nie, of tot die hoender heeltemal gaar is. Dreineer op ’n draadrak of ’n bord uitgevoer met kombuispapier en laat eenkant staan. 3 Sodra al die vlerkies gebraai is, plaas ’n wok oor matige hitte en voeg die gaar vlerkies in saam met die rissieboontjiesous, rys-of appelasyn, tamatiepasta, sojasous en suiker. Roer liggies tot al die stukkies met die sous bedek is en skep op ’n opdienbord.