KERRIELAMSTJOPS MET DHANJASTYWEPAP EN ATJAR

Marineer die tjops ’n dag of twee voor die tyd vir ’n vingerleklekker braai.

GENOEG VIR 4-6 MENSE BEREIDING: 20 MIN. MARINEER: 1 UUR OF OORNAG GAARMAAK: 35-40 MIN.

TJOPS

6 groot lamsboud- of ribtjops

30 ml (2 e) olie

5 ml (1 t) heel komynsaadjies 2 uie, in ringetjies gesny 4 knoffelhuisies, fyngekap 30 ml (2 e) geroosterde masala

125 ml (½ k) blatjang

30 ml (2 e) witwynasyn 30 ml (2 e) worcestersous ’n knippie fyn naeltjies ATJAR

30 ml (2 e) olie

1 ui, grofgekap 2 knoffelhuisies, fyngedruk 5 cm-stuk vars gemmer, gerasper

3-4 brandrissies, gekap

5 ml (1 t) mosterdsaadjies 2 wortels, geskil en grofgerasper

¼ kopkool, grofgekap 2 lourierblare

2,5 ml (½ t) borrie

5 ml (1 t) brandrissiepoeier 60 ml (¼ k) witwynasyn sout, na smaak

PAP

750 ml (3 k) klaar bereide stywepap

30 ml (2 e) botter

1 x 410 g-blik mieliepitte, gedreineer

’n hand vol vars koljanderblare, fyngekap

5 ml (1 e) droë rissievlokkies sout en vars gemaalde peper

Maak ’n vuur met genoeg kole vir braai. Sit ’n staander in die kole en hou ’n toeknyprooster byderhand.

1 Tjops Sit die tjops in ’n marineerbak en hou eenkant. Verhit die olie in ’n klein kastrol en rooster die komynsaadjies tot geurig. Skep uit en hou eenkant.

2 Verhit die olie in die kastrol en braai die uie en knoffel tot sag. Voeg die res van die bestanddele by en meng goed. Haal van die hitte af en laat afkoel.

3 Skep die marinade oor die tjops – sorg dat die tjops oral bedek is – en laat minstens 1 uur of verkieslik oornag marineer.

4 Atjar Verhit die olie in ’n diep kastrol, voeg die ui, knoffel, gemmer, brandrissies en mosterdsaadjies by en roerbraai 5 min. Voeg die res van die bestanddele by en meng goed. Roerbraai 10 min. oor matige hitte of tot die kool sag is. Haal van die hitte af en hou eenkant.

5 Pap Meng alles goed. 6 Haal die tjops uit die marinade en pak op die rooster. Braai 12-15 min. of tot gaar soos verkies – smeer af en toe nog van die marinade oor die tjops. Geur met die sout en peper na smaak.

7 Vir voorsit Sit die tjops voor saam met die pap en atjar.