SUURLEMOENLAMSTJOPS MET FETA-EN-ROKETPESTO EN APPELSLAAI
Lendetjops, ribtjops, boudtjops of selfs bladtjops is ideaal vir hierdie resep.
Ons vul die geur van hierdie tjops eenvoudig aan met suurlemoen en seesout en sit dit voor saam met romerige feta-en-roketpesto.
GENOEG VIR 4-6 MENSE BEREIDING: 15 MIN. GAARMAAK: 15-17 MIN.
PESTO
50 g okkerneute 2 knoffelhuisies, gekneus ’n hand vol vars pietersielie, fyngekap
’n hand vol roket, fyngekap 125 ml (½ k) olyfolie + ekstra vir bo-oor
1-2 wiele feta sap en gerasperde skil van 1 suurlemoen sout en vars gemaalde peper
TJOPS
4-6 lamstjops van jou keuse sout en vars gemaalde peper sap en gerasperde skil van 1 suurlemoen
30 ml (2 e) olyfolie
SLAAI
50 g okkerneute
2 Granny Smith-appels vars roket
Maak ’n vuur met genoeg kole vir braai, sit ’n staander in die kole en hou ’n toeknyprooster byderhand.
1 Pesto Sit die neute en knoffel in die bak van ’n voedselverwerker en pols tot fyn. Voeg die kruie by en pols tot gekap.
2 Giet die olie, feta, suurlemoensap en -skil by en pols tot glad en goed gemeng. Geur met die sout en vars gemaalde peper na smaak. Giet ’n bietjie olie oor die pesto en hou verkoel tot nodig.
3 Tjops Geur die tjops met die sout en vars gemaalde peper. Sprinkel die suurlemoenskil oor en geur met die sap. Vryf die olie oor die tjops en pak op die rooster.
4 Braai die tjops 15-17 min. oor matige kole of tot die vet goudbruin en bros is en die tjops gaar soos verkies. Pak in ’n bak en laat 5 min. rus.
5 Slaai Meng al die bestanddele goed.
6 Vir voorsit Sit die tjops voor saam met die pesto en slaai.
Lamsvleis gaan goed gepaard met die pikante geure van jogurt en suurlemoen. Ons marineer die vleis in jogurt en sit dit voor saam met sagte kitsplatbrode wat ons sommer oor die kole gaarmaak.
GENOEG VIR 4 MENSE BEREIDING: 20 MIN. MARINEER: 30 MIN.
RUS: 10 MIN. GAARMAAK: 30 MIN.
LOLLIES
4-6 lamslendetjops sap en fyngerasperde skil van 1 suurlemoen
2 takkies ment, grofgekap 1 takkie roosmaryn 6 knoffelhuisies, fyngedruk 15 ml (1 e) droë origanum 5 ml (1 t) vars gemaalde peper
60 ml (¼ k) vars pietersielie, gekap
60 ml (¼ k) olyfolie
30 ml (2 e) jogurt PLATBRODE
500 ml (2 k) bruismeel + ekstra vir uitrol
250 ml (1 k) romerige natuurlike jogurt
2,5 ml (½ t) sout
SALSA VERDE sap en gerasperde skil van 1 suurlemoen
30 ml (2 e) rooiwynasyn 1 brandrissie, gekap 2 knoffelhuisies
2 hande vol vars pietersielie 60 ml (¼ k) olyfolie ’n knippie seesout
VIR VOORSIT
6-8 gebraaide murgpampoentjies kersietamaties (opsioneel) vars ment
Maak ’n vuur met genoeg kole vir braai, sit ’n staander in die kole en hou ’n toeknyprooster byderhand.
1 Lollies Sny die sening van die been van elke tjop af sodat die tjops soos lollies lyk. Meng die res van die bestanddele goed en smeer oor die tjops. Bedek die tjops en marineer 30 min.
2 Platbrode Meng al die bestanddele goed tot ’n stewige deeg vorm. Knie liggies tot glad, bedek en laat 10 min. rus. 3 Verdeel die deeg in 6 bolletjies en rol rofweg uit.
Strooi meel aan albei kante van die brode en pak op die rooster. Braai oor matige kole en draai gereeld tot ligbruin aan albei kante en liggies uitgepof. Haal van die rooster af en hou eenkant.
4 Salsa verde Meng al die bestanddele goed.
5 Vir voorsit Pak die tjops op die rooster en braai 12-15 min. of tot gaar soos verkies. Sit die tjops voor saam met die platbrode, salsa verde, murgpampoentjies, kersietamaties, indien verkies, en vars ment.