MAROKKAANSE LAMSTJOPS MET LENSIES
Ons gebruik lamsaaltjops vir hierdie resep en sit dit voor saam met ’n heilsame lensieslaai.
GENOEG VIR 4-6 MENSE BEREIDING: 15 MIN. MARINEER: 30 MIN. GAARMAAK: 15 MIN.
TJOPS
4-6 lamsaaltjops
15 ml (1 e) elk komyn- en koljandersaadjies en droë roosmaryn
5 ml (1 t) paprika 4 lamstjops 2 knoffelhuisies, fyngedruk sap en gerasperde skil van 1 suurlemoen
15 ml (1 e) elk appelkooskonfyt en heuning
15 ml (1 e) elk tamatiesous en worcestersous
LENSIESLAAI
500 ml (2 k) gaar bruinlensies
’n hand vol vars koljanderblare, fyngekap
1 rooi-ui, gekap 1 komkommer, in klein blokkies gesny
60 ml (¼ k) olyfolie sap en fyngerasperde skil van 1 suurlemoen sout en vars gemaalde peper, na smaak
VIR VOORSIT suurlemoenwiggies vars ment
Maak ’n vuur met genoeg kole vir braai, sit ’n staander in die kole en hou ’n toeknyprooster byderhand.
1 Tjops Pak die tjops in ’n marineerbak. Rooster die komyn- en koljandersaadjies in ’n droë pan tot geurig. Maal die saadjies rofweg fyn.
Meng met die res van die bestanddele en smeer oor die tjops. Marineer minstens 30 min. 2 Braai die tjops 12-15 min. oor matige kole of tot gaar soos verkies. 3 Lensieslaai Meng al die bestanddele goed.
4 Vir voorsit Sit die tjops voor saam met lensieslaai, suurlemoenwiggies en vars ment.
Lamsboudtjops is heerlik sag. Ons gee die tjops ekstra skop met ’n brandrissiespeserymengsel en sit dit voor saam met “gooi saam”-boontjies en romerige suurlemoenjogurt.
GENOEG VIR 4 MENSE BEREIDING: 10 MIN. GAARMAAK: 15-20 MIN.
TJOPS
2 knoffelhuisies, gekap 4 brandrissies, fyngekap sap en gerasperde skil van 1 suurlemoen
15 ml (1 e) koljandersaadjies 15 ml (1 e) gerookte paprika 30 ml (2 e) olyfolie
4-6 klein lamsboudtjops sout, na smaak CHAKALAKA-BOONTJIES
15 ml (1 e) olyfolie
1 ui, in skyfies gesny 2 knoffelhuisies, fyngekap 15 ml (1 e) tamatiepasta
1 x 410 g-blik chakalaka
1 x 410 g-blik gebakte boontjies in tamatiesous
½ elk rooi en groen soetrissie, ontpit en in blokkies gesny sout, na smaak
JOGURT
250 ml (1 k) natuurlike jogurt
15 ml (1 e) suurlemoensap ’n knippie elk komyn en sout VIR VOORSIT gekapte vars koljanderblare ekstra gerasperde suurlemoenskil
Maak ’n vuur met genoeg kole vir braai. Sit ’n staander in die kole en hou ’n toeknyprooster byderhand.
1 Tjops Meng die knoffel, brandrissies, suurlemoensap en -skil, koljander, paprika en olyfolie goed en smeer oor die tjops.
2 Pak die tjops op die rooster en geur met die sout. Braai 12-15 min. oor matige kole tot gaar soos verkies.
3 Chakalaka-boontjies
Verhit die olie in ’n kastrol en braai die ui en knoffel tot sag. Roer die tamatiepasta by en roerbraai 1 min. Roer die chakalaka, gebakte boontjies en soetrissieblokkies by en verhit. Geur met die sout na smaak.
4 Jogurt Meng alles goed. 5 Vir voorsit Garneer die tjops met die vars koljanderblare en ekstra gerasperde suurlemoenskil en sit voor saam met die chakalaka-boontjies en jogurt.