KAAPSTADHAWE
Dié pragtige hawe is ideaal geleë en het ’n fassinerende geskiedenis wat oor eeue strek
KAAPSTAD het een van die mooiste hawens ter wêreld, met Tafelberg as agtergrond. Die berg beskut die hawe teen die sterk suidoostewind. Dit is ook die oudste werkende hawe in die Suidelike Halfrond.
LIGGING
Die hawe is in Tafelbaai, aan een van die besigste handelsroetes ter wêreld. Dit hanteer veral vragte tussen Europa en die oostelike deel van die aarde. Die hawe is met talle paaie en spoorlyne aan die binneland verbind.
GEBRUIKE
B Kaapstadhawe hanteer vraghouers van
’n paar miljoen ton per jaar. Dit hanteer die grootste hoeveelheid vars vrugte en, naas Durban, die meeste vraghouers in Suid-Afrika. B Dit het goeie skeep s herstel geriewe.
B Baie passasierskepe meer hier vas. B Verskeie sleep- en plesierbote word ook deur die hawe bedryf.
GESKIEDENIS
DIE BEGIN
’n Klein hawehoof is in 1654 gebou as deel van ’n verversingspos (vir vars kos en water) vir die reise van Nederlandse skepe tussen dié Europese land en Nederlands-Indië (vandag Indonesië) in Asië.
EERSTE HAWE
Die woeste winterstorms het talle skepe verwoes en ’n hawe, met die Alfred-hawekom, is in 1870 voltooi.
ONTDEKKING VAN DIAMANTE
In 1867 is diamante in die binneland ontdek. Die groot diamantstormloop (mense wat van oor die wêreld hierheen gestroom het om diamante te ontdek) het gelei tot ’n groot toename in skepe en in 1905 is die Victoria-waterkom voltooi.
TWEEDE WÊRELDOORLOG
Weens ’n toename in handel en skepe tydens die Tweede Wêreldoorlog is ’n nuwe dok, later die Duncan-dok genoem, in 1945 voltooi. Die grond wat uitgegrawe is, is gebruik om ’n groot gebied wat onder water was op te vul en so is die Strandgebied gevorm wat vandag van Kaapstad se hoogste geboue bevat.
GROTER VRAGSKEPE
In 1977 is die vraghouerkaai gebou om plek te maak vir vraghouers en vir vragskepe wat langer en dieper is.