REËNBOOG PEPER LAM S TJOP SMET OOR-DIE-BRAAIRATATOUILLE
Swartpeper word nie net gebruik om ’n gereg skerper te maak nie; dit dra ook by tot ’n algehele warm geur. As dit met die effens vrugtiger geur van pienkpeperkorrels gepaardgaan, is dit heerlik oor lamstjoppies.
GENOEG VIR 4 MENSE BEREIDING: 15 MIN.
GAARMAAK: 20 MIN.
RATATOUILLE
2 rooi-uie, in kwarte gesny 4 preie, skoongemaak en in stokkies gesny
1 groen soetrissie, ontpit en in kwarte gesny
1 rooi soetrissie, ontpit en in kwarte gesny 4 murgpampoentjies, in stokkies gesny
30 ml (2 e) olyfolie sout en vars gemaalde peper
1 x 410 g-blik heel tamaties in tamatiesous
5 ml (1 t) suiker
TJOPS
4 lamstjops
30 ml (2 e) olyfolie
30 ml (2 e) pienkpeperkorrels
15 ml (1 e) vars gemaalde swartpeper
20 ml (4 t) seesout
10 ml (2 t) droë tiemie 2,5 ml (½ t) neutmuskaat sap van 1 suurlemoen
VIR VOORSIT kersietamaties vars basilie
Maak ’n vuur met genoeg kole vir braai. Sit ’n staander in die kole en hou ’n toeknyprooster byderhand.
1 Ratatouille Pak die groente op die rooster en drup die olie oor. Geur met die sout en vars gemaalde peper. Braai 10 min. oor die kole en draai gereeld. Haal die groente van die rooster af. 2 Verhit die tamaties in ’n kastrol en voeg die groente by. Geur met die suiker, sout en peper. Hou eenkant warm.
3 Tjops Pak die lamstjops in ’n bak en smeer met die olyfolie. Druk die pienkpeperkorrels fyn in
’n maler en meng met die res van die speserye en kruie. Sprinkel die mengsel ruimskoots aan albei kante van die tjops.
4 Pak die tjops op die rooster en braai 12-15 min. oor die kole of tot gaar soos verkies – drup die suurlemoensap oor die tjops terwyl jy dit braai. Haal van die rooster af en laat 5 min. rus.
5 Vir voorsit Sit die tjops voor saam met die ratatouille, kersietamaties en vars basilie.