MAROKKAANSE HOENDERBREDIE MET KWEPERS
Die heilsame geure van Marokko maak hierdie bredie ’n ware wenner.
GENOEG VIR 4-6 MENSE BEREIDING: 10 MIN. GAARMAAK: 35-40 MIN.
HOENDER
6 hoenderdye 4 knoffelhuisies, fyngedruk 5 ml (1 t) elk fyn komyn en borrie
10 ml (2 t) paprika sap en fyngerasperde skil van 1 suurlemoen
BREDIE
15 ml (1 e) olie
500 ml (2 k) basisbredie (sien resep op bl. 23)
15 ml (1 e) heuning sout, na smaak
100 g groen olywe (opsioneel)
VIR VOORSIT
1 kweper, ontpit en in klein blokkies gesny vars koljanderblare, gekap suurlemoenskyfies
1 Hoender Pak die hoenderdye in ’n marineerbak. Meng die knoffel, speserye en suurlemoensap en -skil en vryf die hoender daarmee in.
2 Bredie Verhit die olie in ’n diep pan. Pak die hoender met die velkant na onder in die pan en braai tot die velletjie goudbruin is. Skep die hoender uit en hou eenkant. 3 Giet die brediebasis in die pan en bring tot kookpunt. Verlaag die hitte en pak die hoender met die velkant na bo in die pan.
4 Sit ’n deksel op en laat 20-25 min. oor matige hitte prut of tot die hoender gaar is – giet ’n bietjie water by indien die bredie te vinnig droogkook en roer af en toe om te verhoed dat dit aanbrand.
5 Geur die bredie met die heuning en sout na smaak. Sprinkel die olywe oor, indien gebruik. 6 Vir voorsit Sprinkel die kweperblokkies en koljanderblare oor die bredie en sit voor saam met die suurlemoenwiggies.