SELDSAME CHRONIESE SIEKTE
Bronchiolitis obliterans, ook bekend as “springmielielong”, is ’n seldsame chroniese siekte wat obstruksie in die klein lugweë veroorsaak en mettertyd vererger.
’n Mens kan dit soms ná ’n infeksie kry, of ná ’n oorplanting van byvoorbeeld ’n long of beenmurg, sê dr. Delano Rhode, ’n pediatriese pulmunoloog.
In Travonne se geval het hy dit ná ’n longontsteking opgedoen.
Die virus irriteer die lugpyp, en dit veroorsaak inflammasie wat later tot langtermynskade aan die longe lei.
Dit lei ook daartoe dat minder suurstof by die res van die liggaam uitkom.
Medikasie kan voorgeskryf word om die inflammasie te beheer, maar die toestand kan nie gekeer word nie.