BEGIN BY DIE BEGIN: NOG SES OORSPRONGSTORIES
THE GODFATHER PART II (1974)
Robert De Niro beeld don Vito Corleone as jong man vroeg in die 20ste eeu uit – die rol wat Marlon Brando in die eerste rolprent vertolk het. Die regisseur, Francis Ford Coppola, wissel daardie tonele briljant af met dié van die 1950-tydlyn waarin Al Pacino as Vito se seun, Michael, verskyn. Twee akteurs op die hoogtepunt van hul loopbaan speel pa en seun wat op byna dieselfde ouderdom hul menslikheid vir mag opoffer.
STAR WARSVOORVOLGTRILOGIE (1999-2005)
Star Wars
Solo: A Star Wars Story het Han Solo se jeug in
(2018) aangepak en Obi-Wan Kenobi s’n in die komende TV-reeks. Maar die sage oor hoe Anakin Skywalker Darth Vader geword het, troon bo al die ander uit. Ongelukkig bederf swak toneelspel en vrot dialoog die storie van Anakin se vordering van bekkige blondekopseuntjie tot moorddadige halfmens-halfmasjien.
JOKER (2019)
Hoe het Batman se aartsvyand ontstaan? Volgens Todd Phillips se distopiese herverwerking was dit omdat die gekwelde jong Arthur Fleck (Joaquin Phoenix) deur ’n dronk sakeman aangeval is, ongelukkig in die liefde was, deur die stelsel in die steek gelaat is en omdat niemand vir sy grappe gelag het nie.
WONKA (WORD NOG VERVAARDIG)
Timothée Chalamet sal ’n jong Willy Wonka speel in ’n voorvolg onder regie van Paul King waarin verskeie musieknommers gehoor sal word.
Timothée lyk na ’n goeie keuse om Gene Wilder en Johnny Depp op te volg as Roald Dahl se ondeunde sjokolademaker.
INDIANA JONES AND THE LAST CRUSADE (1989)
In die derde aflewering in dié rolprentreeks verskyn drie generasies Hollywood-hartebrekers: Harrison Ford as Indiana Jones, Sean Connery as sy pa, en in die proloog ook ’n onbeskryflik mooi River Phoenix as ’n jong Indy.
In 10 meesterlike minute gee Steven Spielberg ’n verklaring vir sy vrees vir slange, die gebruik van ’n sweep, sy keuse van hoede en die oortuiging – effens omstrede aan hedendaagse standaarde gemeet – dat argeologiese artefakte in museums hoort.
MALEFICENT (2014)
Angelina Jolie speel die bose feekoningin uit Sleeping Beauty in ’n uitloperrolprent wat ook haar moeilike tienerjare uitbeeld. ’n Sestienjarige Maleficent, gespeel deur Isobelle Molloy, se vlerke word afgesny – en dit deur Stefan, die boerseun op wie sy verlief is. Eerstens wys dit puberteit is aaklig en tweedens verklaar dit waarom Maleficent ’n duistere skrikbewind begin voer en ook Stefan se dogter, Aurora, vervloek.