SODABESLAGSTOKVIS MET ’N KRUIEDOOPSOUS

GENOEG VIR 4 MENSE BEREIDING EN GAARMAAK: 50 MIN.

STOKVIS

250 ml (1 k) meel

2,5 ml (½ t) paprika

5 ml (1 t) knoffelsout

7,5 ml (½ e) Cajun-speserye sout en swartpeper, na smaak

1 groot eier 250 ml (1 k) sodawater, verkoel

1 L (4 k) kanola-olie vir braai

1 kg stokvisfilette, met vel aan, maar grate verwyder KRUIEDOOPSOUS

250 ml (1 k) mayonnaise 15 ml (1 e) Dijonmosterd 1 groot gepiekelde agurkie, fyngekap

15 g vars pietersielie, gekap 10 g vars dille, gekap

10 ml (2 t) vars uitgedrukte suurlemoensap sout en peper, na smaak

VIR VOORSIT gebraaide aartappelskyfies suurlemoenwiggies

1 Stokvis Meng die meel, paprika, knoffelsout, Cajun-speserye en sout en peper in ’n groot bak.

2 Klits die eier en sodawater saam in ’n ander bak.

3 Maak ’n beslag deur die nat bestanddele stadig met die droë bestanddele te meng terwyl jy heeltyd klits. Laat die beslag 10-15 min. eenkant rus.

4 Verhit die kanola-olie tot 180 °C in ’n middelslagtot groot diep pan oor matige tot hoë hitte. 5 Doop die stokvisfilette in die beslag. Sorg dat dit egalig bedek is en skud enige oortollige beslag af.

6 Laat sak een tot twee stokvisfilette op ’n slag versigtig in die warm olie. Moenie die pan oorvol maak nie. Braai die filette 6 min. of tot goudbruin.

7 Skep die filette uit die olie wanneer dit gaar is en plaas dit op kombuispapier om enige oortollige olie te dreineer.

8 Kruiedoopsous Meng al die bestanddele goed in ’n klein bak.

9 Vir voorsit Sit die stokvisfilette warm voor saam met gebraaide aartappelskyfies, suurlemoenwiggies en die kruiedoopsous.