GEBAKTE RISOTTO MET PAMPOEN EN CAMEMBERT
GENOEG VIR 4 MENSE BEREIDING EN GAARMAAK: 1 UUR
875 ml (3½ k) klaarbereide pampoensop 500 ml (2 k) groenteaftreksel
30 ml (2 e) olyfolie
1 groot ui, fyngekap 2 knoffelhuisies, fyngedruk
5 vars salieblare
300 g arboriorys
60 g parmesaanskaafsels sout en peper, na smaak 350 g pampoen, in wiggies gesny
250 g heel camembert 30 ml (2 e) olyfolie, plus ekstra
12 vars salieblare
60 g bronkors, stele afgesny
15 ml (1 e) suurlemoensap 45 g geroosterde haselneute, gekap
1 Voorverhit die oond tot 180 °C.
2 Bring die sop en aftreksel tot kookpunt in ’n middelslagkastrol. Verlaag die hitte en laat prut sonder ’n deksel. 3 Verhit intussen die olie in ’n middelslagbraaipan oor matige hitte.
Braai die ui, knoffel en salie 5 min. of tot die ui sag is terwyl jy af en toe roer. Voeg die rys by die uiemengsel en meng goed. Roer die sopmengsel en die helfte van die parmesaan in. Geur met die sout en peper.
4 Skep die risotto in ’n vlak oondvaste bak. Pak die pampoen boop, druk dit effens in en plaas die camembert in die middel. Bedek met foelie. 5 Bak die risotto 15 min. en roer halfpad deur die baktyd liggies sonder om die camembert te versteur. Bak nog 25 min. of tot die rys en pampoen sag is. 6 Verhit intussen die ekstra olyfolie in ’n klein braaipan oor matige hitte. Braai die salieblare 1 min. of tot bros. Dreineer op kombuispapier. 7 Meng die bronkors en suurlemoensap in ’n middelslagbak. Geur met sout en peper. 8 Rond die risotto af met die haselneute, bros salieblare en die oorblywende parmesaan en sit voor saam met die bronkorsslaai.