BOTTERSKORSIEBROODSTOKKIES
LEWER 6 BROODSTOKKIES BEREIDING EN GAARMAAK: 2 UUR (+ STAAN)
900 g botterskorsie, in die lengte gehalveer, pitte verwyder
10 ml (2 t) droë kitsgis 15 ml (1 e) heuning
125 ml (½ k) louwarm water
30 ml (2 e) sonneblomof kanolaolie
200 g volkoringmeel, gesif 300 g brood- of koekmeel, gesif
75 g sonneblomsaad
30 ml (2 e) sesamsaad 15 ml (1 e) lynsaad
15 ml (1 e) seesoutvlokkies 1 eier, liggies geklits
60 ml (¼ k) pampoenpitte 15 ml (1 e) papawersaad 30 ml (2 e) sonneblomsaad, ekstra
1 Voorverhit die oond tot 180 °C.
2 Plaas die botterskorsie op ’n oondpan, bedek met foelie en bak 1½ uur of tot baie sag. Skep die vlees in ’n middelslagbak wanneer dit koel genoeg is om te hanteer en maak met ’n vurk fyn. Jy het 1½ k fyn botterskorsie nodig.
3 Meng die kitsgis, heuning en water in ’n klein bak. Bedek met kleefplastiek en laat staan 10 min. op ’n warm plek of tot skuimerig. Roer die olie in.
4 Meng die mele, sonneblom-, sesam- en lynsaad en sout in ’n groot bak. Voeg die gismengsel en fyn botterskorsie by en meng tot ’n sagte deeg vorm. Knie die deeg 10 min. op ’n meelbestrooide oppervlak of tot die meel glad en rekbaar is. (As jy ’n elektriese menger met ’n deeghaak het, meng 6 min. teen matige spoed of tot glad en rekbaar.) 5 Plaas die deeg in ’n groot, geoliede bak en bedek met kleefplastiek. Laat staan die deeg 1 uur op ’n warm plek of tot dubbel in grootte. 6 Verhoog die oondtemperatuur tot 200 °C. Knie die deeg af met jou vuiste. Knie 1 min. op ’n meelbestrooide oppervlak tot glad. Rol die deeg uit in ses lengtes van 4 x 30 cm. Plaas op ’n groot, geoliede oondpan.
7 Bedek die deeg lossies met geoliede kleefplastiek. Laat staan die deeg 40 min. op ’n warm plek of tot dubbel in grootte.
8 Verf die deeg met die eier en sprinkel die pampoenpitte, papawersaad en ekstra sonneblomsaad oor. Bak 30 min. of tot goudbruin en tot die brood hol klink wanneer dit getik word. Laat afkoel op ’n draadrak.
As jy verkies om rolletjies te maak, verdeel die deeg in 12 gladde balle. Meng pampoenpitte en papawersaad in ’n klein bak en rol die deegballe daarin om dit te bedek. Pak die deegballe 1 cm uit mekaar (drie dwars en vier af) op ’n geoliede oondpan. Gaan voort met die resep van stap 7 af. Die brode sal tot 3 dae lank vars bly.