Y O R K S H I RE POEDING SMET GEROOSTERDE BEESVLEIS SKAAFSELS EN KRUIE MAYONNAISE

LEWER 12-14 YORKSHIREPOEDINGS BEREIDING: 30 MIN. GAARMAAK: 25-30 MIN.

BEESVLEIS

15 ml (1 e) olyfolie 300 g beeslendesteak 5 ml (1 t) tiemie sout en varsgemaalde peper YORKSHIREPOEDINGS 400 ml koekmeel

5 ml (1 t) sout

8 eiers

400 ml melk

125 ml (½ k) kookolie

KRUIEMAYONNAISE 250 ml (1 k) romerige mayonnaise

60 ml (¼ k) gekapte pietersielie

15 ml (1 e) gekapte dille fyngerasperde skil van 1 suurlemoen

VIR AFRONDING bronkors vars dille

Voorverhit die oond tot 200 °C. Bespuit ’n muffinpan met kossproei.

1 Beesvleis Vryf die olie

oraloor die steak en geur met die tiemie, sout en peper. Verhit ’n gietysterpan tot rookwarm en seël die steak vir ’n minuut aan albei kante. Verlaag die hitte en braai die steak vir nog 2 min. aan elke kant of tot gaar, soos verkies. Haal die steak uit die pan uit en hou eenkant om te rus. 2 Yorkshirepoedings

Meng die meel en sout. Voeg die eiers en melk by en klits tot glad. Giet die beslag in ’n beker. 3 Verdeel die olie tussen die muffinholtes en verhit 3-5 min. in die oond of tot die olie warm is.

4 Haal die muffinpan uit die oond en vul elke holte driekwart met die yorkshirepoedingbeslag (plaas die muffinpan op ’n bakplaat indien verkies, ingeval dit oorloop – die beslag sal begin borrel wanneer dit op die warm olie gegooi word). 5 Plaas die muffinpan versigtig terug in die oond en bak die poedings 15-17 min. of tot die poedings

opgepof en goudbruin is. 6 Maak die kante van die poedings los en haal dit uit die pan. Rangskik die poedings op ’n opdienbord.

7 Kruiemayonnaise Meng al die bestanddele saam en skep die mayonnaise in die middel van die yorkshirepoedings.

8 Vir afronding Kerf die steak in dun repe en rangskik dit op die mayonnaise. Garneer met die bronkors en dille, en sit voor. ❑