KLEURVOLLE KYKERS
Sonnige dae vra helder ooggrimering. Onverwagte helder kleure was die afgelope ruk te sien van op die loopplank tot in straatmodes. Elektriese spatsels kleur, helderkleurige katooglyne, koel blou, luukse groen en treffende maskara was gewild by modevertonings van ontwerpers soos Chloé, Prabal Gurung, Versace en Badgley Mischka.
Of jy ’n kleur oor jou hele ooglid dra, ’n kleurvolle grafiese oogomlyner gebruik, of soos Kylie Jenner sommer albei gelyk dra, daar is geen perke met dié trend nie. Gepigmenteerde oogskadu, jelpigmente en room- of poeieroogskadu werk alles goed hiervoor.
KRY DIE VOORKOMS
Só kry jy Kylie Jenner se heldergeel en neonpienk ooggrimering:
Wend ’n ooglidbasislaag aan. Gebruik ’n oogskaduborsel en trek die geel kleur oor die ooglede, skakeer tot in die oogvou en tot by die wenkbroubeen. Trek daarna die pienk oogomlyner langs die wimperlyn tot in ’n katoog. Rond af met ’n paar lae maskara.
BEPROEF DÍT
1 Chroma Morphose Eyeliner in Electric Zoo R140, L’Oréal
2 The Colossal Big Shot Mascara R174,95, Maybelline
3 Eyeshadow in Yellow Chrome R355, MAC
4 Photo Focus Eyeshadow Primer 109,95, Wet n Wild