ORAL BRONSER
Hierdie trend is vir dié wat hou van minimalistiese grimering. Grimeerkunstenaars gebruik die veelsydigheid van verbronser om sagte, smeulende grimering te skep wat hierdie seisoen se antwoord op die monochroom-trend is. In plaas van om gebeitelde wangbene te skep word warm skakerings van perske, terracotta en goudbruin verbronsers aan jou oë, wange en lippe aangewend om ’n eenvormige, sonbruin gelaat te skep.
KRY DIE VOORKOMS
Wend verligter aan skoon vel aan om ’n algehele stralende gelaat te skep. Gebruik dan ’n donsige grimeerkwas om jou gunstelingverbronser aan jou wange aan te wend en skakeer langs die wangbene tot by die slape. Wend dan verbronser met ’n oogskaduborsel aan jou ooglede aan en skakeer tot in die oogvou, gevolg deur ’n paar lae maskara. Tik laastens ’n bietjie verbronser aan jou lippe en wend ’n deursigtige lipglans bo-oor aan vir ’n varsgesigsomervoorkoms.
BEPROEF DÍT
1 Bronze Your Way Bronzing Palette R128,95, Essence
2 Ultimate All-In-One Mascara R189,95, Revlon
3 Skin Feels Good in Sunny Amber R550 vir 32 ml, Lancôme
4 Oh My Gloss! Clear Lip Gloss R79,96, Rimmel