NATUURLIKE HAREDOS
Pak die haardroër, krultang of versteiler weg! Hierdie somer is die in ding om jou natuurlike haartekstuur te omhels, eerder as om dit te probeer verander. Die neiging fokus op haargesondheid en om die beste uit jou natuurlike tekstuur na vore te bring – hetsy reguit, golwend of krullerig. Van luggedroogde krulle tot bonsende bobs, hierdie styl is maklik met die regte produkte en tegnieke.
KRY DIE VOORKOMS
Wend ’n aanbly-opknapper aan skoon, nat hare aan. Borsel of kam die hare sagkens uit terwyl dit nat is. Druk dit dan droog met ’n mikroveselhanddoek om oortollige water te verwyder. Wend dan die regte produkte vir jou haarsoort aan: ’n Goeie seesout- of tekstuursproei kan sorg vir strandgolwe vir krulhare, ’n krulvoorbereidingsroom sal vog en definisie verleen aan fyn hare, gevolg deur ’n bevogtigende sproei wat ekstra volume en glans gee. Laastens, moenie aan jou hare raak nie en laat dit net natuurlik droog word.
BEPROEF DÍT
1 Strictly Curls Curl Envy Cream R189,95 vir 177 ml, Marc Anthony
2 Quench! Moisture Intensive Leave-in Conditioner R144,95 vir 355 ml, Aunt Jackie’s
3 Weightless Shine Air Dry Crème R270 vir 150 ml, Kristin Ess
4 Hair Play Sea Salt Spray R310 vir 200 ml, KMS