FLIEKS EN REEKSE
Disney+ het onlangs Disney+ Day gevier deur ’n klomp nuwe flieks en reekse uit te reik. Hier is ’n paar opsies vir jou kyklys.
THE MIGHTY DUCKS: GAME CHANGERS
VIR OUDERDOMME: OUERDISKRESIE
Nadat die Mighty Ducks in die eerste seisoen van dié reeks die ligatoernooi gewen het, vat dié span en hul afrigter, Alex Morrow (Lauren Graham), nou die pad om by ’n elite-somerhokkieprogram in Los
Angeles aan te sluit. Dié program word deur die sjarmante en taai voormalige nasionale hokkieligaspeler Colin Cole (Josh Duhamel) bestuur. Die Mighty Ducks besef die opleiding gaan allesbehalwe ’n prettige paar weke op die ys saam met pelle wees. Gaan hulle in dié omgewing oorleef?
GROWING UP
VIR OUDERDOMME: 12+ Dié innoverende dokkiereeks is deur die Captain Marvel-aktrise Brie Larson geskep. Dit gaan oor 10 jong mense uit verskillende agtergronde wat deur talle uitdagings in die gesig gestaar word. Elke episode fokus op een jong mens, en die kyker stap dan die pad saam met hulle deur hul kinder- en tienerjare. “Ek is ’n beter mens nadat ek al hierdie ongelooflike helde ontmoet het,” sê Brie.
NATIONAL TREASURE: EDGE OF HISTORY
VIR OUDERDOMME: 14+ Hierdie reeks is deel van die National Treasurefliekfranchise. Dit word vertel vanuit die oogpunt van ’n jong heldin, Jess (Lisette Alexis), wat ’n briljante en vindingryke dromer is.
Sy is op soek na antwoorde oor haar familie en pak die avontuur van ’n leeftyd aan om die waarheid oor die verlede te ontdek en ’n verlore PanAmerikaanse skat te red.
BTS: PERMISSION TO DANCE ON STAGE – LA VIR OUDERDOMME: 6+ Is jy deel van die BTS Army? Dan moet jy nie hierdie konsertfliek oor die groep misloop nie. Dit fokus op vier uitverkoopte konserte wat die groep in November en Desember 2021 in Los Angeles gehad het. Jy kan uitsien na van hul groot treffers, en daar is ook onderhoude agter die skerms om die sewe manne nog beter te leer ken.