CHRISTIAN BENNETT
Die Arendsvlei-akteur se dogtertjie, PHOENIX (5), was net twee weke oud toe sy destyds saam met haar pa in die kykNET-sepie Suidooster te sien was as Bianca (Simone Biscombe) se baba, Stella. “Dit was vir my ’n groot prestasie as pa en akteur en ’n onbeskryflike gevoel,” sê Christian. Phoenix het dié rol vertolk tot sy byna drie jaar oud was. “Ek is geweldig trots op haar. Sy hou nie op toneelspeel nie. Sy is skreeusnaaks, speel model en sing die hele plek vol.”