ROOSTERKOEK met GEROOSTERDE UIE & MURGBEENBOTTER
LEWER 8-12 ROOSTERKOEKE / BEREIDING: 30 MIN. RYS: 1 UUR 30 MIN. / GAARMAAK: 30 MIN.
Ons maak ’n deftige dog sakpas weergawe van roosterkoek. Ons gebruik amasi of karringmelk om die deeg te verryk – dit maak die roosterkoeke lekker donsig – en ons sit dit voor saam met stadig geroosterde uie en murgbene. Jy kan die sagte murg uit die bene skraap en op die roosterkoeke smeer pleks van die botter, en die soet uie bo-op stapel.
ROOSTERKOEKE
250 ml (1 k) amasi of karringmelk, teen kamertemperatuur 60 ml (¼ k) warm water
30 ml (2 e) suiker 750 ml (3 k) meel + ekstra soos nodig
1 x 10 g-pakkie kitsgis
2,5 ml (½ t) sout
AFRONDING
2-4 gehalveerde murgbene (in die lengte) of 6-8 murgbeenwiele
15 ml (1 e) geroosterde koljandersaad, grof gemaal sout en vars gemaalde peper
4 uie, gehalveer (met skil aan) olyfolie, soos nodig vars koljanderblare (opsioneel)
Maak ’n vuur met genoeg kole vir braai. Hou ’n rooster en staander byderhand. Voorverhit die oond tot 180 °C. Voer ’n oondbak met foelie uit en bespuit goed met kossproei.
1 Roosterkoeke Meng die amasi of karringmelk, water en suiker goed.
2 Meng die meel, gis en sout goed in ’n diep mengbak. Maak ’n holte in die middel en voeg die nat bestanddele by. Meng met ’n vurk tot die deeg begin saamkleef.
3 Keer die deeg op ’n meelbestrooide oppervlak uit en knie ongeveer 5 min. of tot sag en elasties – sprinkel nog ’n bietjie meel oor as die deeg te klewerig is.
4 Sit die deeg in ’n skoon mengbak, bedek met ’n teedoek of kleefplastiek, en laat op ’n warm plek rys vir ’n uur of tot dit in grootte verdubbel. 5 Vorm gholfbalgrootte deegbolletjies. Strooi meel op ’n skinkbord en pak die deegbolletjies daarop. Druk die bolletjies liggies platter en sprinkel nog meel oor. Bedek weer en laat rys nog 30 min.
6 Afronding Pak die murgbene (met die murgkant na bo) in die oondbak, en geur met die koljandersaad, sout en vars gemaalde peper. Drup ’n bietjie olie oor.
7 Smeer die uie op die vleiskant met ’n bietjie olie en geur met die sout, pak die uie (met die vleiskant na onder) tussen die murgbene. Rooster 2530 min. in die oond of tot die uie sag is en die murg gaar.
8 Druk die roosterkoeke weer ’n bietjie platter en pak op die rooster. Sit die rooster op die staander en braai oor matige kole, tot bros aan albei kante. Draai die roosterkoeke gereeld om.
9 Krap van die kole weg en braai die roosterkoeke tot uitgepof en deurgaar. Sit die roosterkoeke warm of teen kamertemperatuur voor saam met die geroosterde uie, murgbene en vars koljanderblare (indien verkies).