SAKPAS KARRING- MELKBESKUITBISCOTTI
LEWER 72-80 STAFIES BISCOTTI / BEREIDING: 20 MIN. GAARMAAK: ONGEVEER 1 UUR
Hierdie beskuit proe nes sy tradisionele eweknie, maar word sonder eiers gemaak. Ons sny dit ook eerder in biscotti-stafies wat blitsig in die oond uitdroog.
1,5 kg bruismeel + ekstra vir oorstrooi 10 ml (2 t) kremetart
7,5 ml (1 ½ t) fyn sout
125 ml (½ k) witsuiker
250 ml (1 k) ligbruinsuiker 375 g sagte margarien of botter 250 ml (1 k) kookwater
500 ml (2 k) karringmelk
Voorverhit die oond tot 180 °C. Bespuit ’n groot bakplaat goed met kossproei. Hou ’n paar ekstra bakplate byderhand.
1 Meng die bruismeel, kremetart en sout in ’n groot mengbak, en maak ’n holte in die middel.
2 Meng die witsuiker, bruinsuiker, margarien of botter, en kookwater tot die botter gesmelt is. Voeg die karringmelk by en meng goed.
3 Giet die karringmelkmengsel in die holte van die droë bestanddele en roer met ’n houtlepel tot ’n deeg vorm.
4 Keer die deeg op ’n meelbestrooide oppervlak uit en knie tot glad en elasties.
5 Verdeel die deeg in 3 gelyke dele. Vorm elke deel deeg in ’n ovaalvorm (sodat dit amper soos ’n ciabatta lyk) en sit versigtig langs mekaar (met ’n spasie tussen-in), op die bereide bakplaat.
6 Druk die deeg liggies platter en bak 35-40 min. of tot die deeg ligbruin en gaar is en ’n toetspen skoon uit die middel kom. Pak op ’n draadrak en laat heeltemal afkoel.
7 Sny elke vorm in die breedte in 2-3 mmdik stafies en pak in ’n enkellaag op die bakplate. Bak die beskuit-biscotti 10 min., draai om en bak nog 10 min. of tot die stafies bros en uitgedroog is (stel die oond ’n bietjie laer as die biscotti te veel van kleur verander).
8 Pak die beskuit-biscotti op draadrakkies en laat heeltemal afkoel. Bêre in ’n lugdigte houer.