Antwoorde gegee

Smeer bietjie olyfolie oor oop kant van avokadopeer. Jy kan ook avokadopere saam met ’n stuk ui in ’n bakkie hou om langer vars te bly.

S. GREYVENSTEYN, KUILSRIVIER Vir bedsere, smeer Maizena op liggaam en strooi op die laken. CHARLOTTE KRUGER, KIMBERLEY

Vir bedsere, meng ’n houer aqueous cream goed saam met ’n halwe botteltjie tea tree-olie en smeer aan die bedsere. Dit werk.

KARIN, PRINGLEBAAI

As jy baie skilfers het, voeg een eetlepel koeksoda en een eetlepel suurlemoensap en ’n halwe Disprin in jou conditioner. Los aan vir tien minute elke keer as jy hare was.

SOPHIA ROOI, CERES

Om te keer dat jou avo’s nie bruin trek nie, gooi ’n bietjie suurlemoensap oor voordat jy dit bê.

EMILE ADAMS, MAMRE

Vir bedsere, meng een pot 50 g wit Vaseline met twee klein blikkies Vicks. Ek smeer dit aan my ouma se lyf en sy het nie bedsere nie.

MAGDALENA ONTONG, VELDDRIF

Maak net eenpotgereg en vries. Ek maak vir myself kos, want mens kan maak net waarvoor jy lus is. Waar daar ’n wil is, is daar ’n weg. Sterkte.

LYDIA MOUTON, PRETORIA

Vryf muwwe vlekke en hardnekkige vlekke met ’n koekie wit lyfseep. Vryf dan totdat dit uitkom.

AMELIA MARITZ, VEREENIGING