TUNA-QUESADILLA
Genoeg vir 4 BESTANDDELE
2 x 185 g-blikkies tuna, gedreineer en gevlok ¼ koppie mayonnaise ¼ koppie fyngekapte tamatie, mieliepitte en ui, gemeng met ’n bietjie vars koljander en sout en peper 8 wraps 1 koppie cheddarkaas, gerasper
METODE
Meng die tuna, mayonnaise en tamatiemielie- en-ui-mengsel. Smeer dié mengsel op 4 van die wraps. Sprinkel kaas oor en plaas die ander 4 wraps bo-op. Smeer ’n non-stick-pan liggies met olie en braai die quesadillas een op ’n slag. Braai totdat dit liggies verbruin is aan die onderkant voordat jy dit aan die ander kant ook liggies verbruin. Braai totdat die kaas gesmelt het. Sny in skywe en bedien saam met ’n lekker mengselslaai vir ’n heerlike middagete.
WENK:
Jy kan ’n botteltjie salsamengsel by die winkel koop en in die plek van die vars tamatie en ui gebruik. Dit sal die quesadilla waarskynlik makliker maak om te hanteer.