geurige soetbrood

Hierdie broodjie is lekker vir teetyd en perfek om voor te sit vir onverwagte gaste om aan te peusel.

SUURLEMOEN-EN-ROOSMARYNBROOD Lewer een middelslag brood BESTANDDELE Vir die brood

5 eetlepels sagte botter 1 koppie strooisuiker (castor sugar) 2 eiers 450 ml bruismeel (selfraising flour) ½ teelepel sout ½ koppie melk Gerasperde skil van 1 suurlemoen 1 eetlepel varsgekapte roosmaryn (of 1 teelepel droë)

Vir die stroop

½ koppie strooisuiker Sap van 2 ryp suurlemoene 1 takkie roosmaryn (As jy nie het nie, laat dit heeltemal weg.)

METODE

Vir die brood: Klits die botter, strooisuiker en eiers saam. Sif die bruismeel en sout saam. Roer die meelmengsel en melk om die beurt by die bottermengsel. Roer die suurlemoen-skil en roosmaryn by. Skep die mengsel in ’n gesmeerde, standaardgrootte broodpan wat met bakpapier gevoer is. Bak in ’n voorverhitte oond van 180°C vir 45 – 60 minute of totdat ’n tandestokkie skoon uitkom wanneer dit in die middel gedruk word. Vir die

stroop: Meng die bestanddele vir die stroop in ’n klein kastrol oor matige hitte en roer totdat die suiker opgelos is sodra jy die brood in die oond sit. Laat die stroop staan terwyl jy vir die brood wag om te bak. Prik die brood oral oor met ’n vurk en giet die stroop oor die warm brood. Laat die brood in die pan staan om heeltemal af te koel voordat jy dit uithaal.

WENK: Die brood is heerlik net so, maar as jy nou regtig ’n bietjie oordaad soek, kan jy dit met roomkaas en heuning bedien.