MIELIE-EN-UIE-TERT
WATERWYS-RESEP!
Genoeg vir 4 – 6
BESTANDDELE
Vir die kors 1½ koppies koekmeel ’n Knippie sout 6 eetlepels botter Yswater
Vir die vulsel
1 eetlepel botter 2 eetlepels olie 3 middelslag uie, gehalveer en in dun halfmaantjies gesny 1 eetlepel, gekapte sprietuie (chives) 1 teelepel paprika Sout en varsgemaalde swartpeper na smaak 1 koppie melk of room 4 eiers 1 x 400 g-blik geroomde mielies 1 koppie cheddarkaas, gerasper
METODE
Maak eers die kors: Sif die koekmeel en sout saam en vryf die botter met jou vingerpunte in totdat dit soos growwe mieliemeel lyk. Giet bietjies- bietjies yswater by en meng totdat jy ’n sagte hanteerbare deeg het. Bedek met kleefplastiek en laat vir 30 minute in die yskas rus. Rol die deeg uit op ’n meelbestrooide oppervlak en voer ’n gesmeerde tert- of quichebord daarmee. Plaas bakpapier bo-op die kors en giet keramiekbakbone of gewone droëbone of rys bo-op. Bak in ’n voorverhitte oond van 200oC vir 10 miniute. Verwyder die bakpapier en bone en bak oop vir nog 5 – 7 minute. Hou die kors eenkant.
Maak die vulsel: Verhit die botter en olie in ’n pan en braai die uie daarin tot sag en deur-skynend. Roer die chives deur en geur met paprika en sout en peper. Klits die melk (of room) en eiers saam en roer die geroomde mielies en kaas by. Geur met sout en peper na smaak. Giet die mengsel in die kors en bak vir 40 – 50 minute of tot byna heeltemal gestol in ’n voorverhitte oond van 180⁰C.