MIELIE-EN-GEROOKTE SNOEK CHOWDER
Genoeg vir 4
BESTANDDELE
3 eetlepels botter 1 groot ui, fyngekap 1 selderystingel, fyngekap 1 prei (leek), goed skoongemaak en fyngekap 3 middelslag aartappels, geskil en in klein blokkies gesny 3 koppies melk 2 koppies hoenderaftreksel 1 x 200 g-pakkie gerookte snoek, velle en grate verwyder en gevlok 1 x 400 g-blik geroomde mielies 2 eetlepels pietersielie, fyngekap
METODE
Smelt die botter in ’n kastrol oor matige hitte. Voeg die uie, seldery en prei by en kook totdat die groente sag is, maar nie verkleur het nie. Roer die aartappelblokkies by, 2 koppies van die melk en die 2 koppies aftreksel. Bring tot kookpunt, verlaag die hitte en laat liggies prut vir ongeveer 20 minute. Verhit die res van die melk in ’n klein kastrol en roer die gevlokte snoek daarby. Laat staan eenkant. Roer die geroomde mielies by die sop en laat vir ’n minuut of twee deurwarm word. Skep die helfte van die sop uit en verpulp met ’n handmenger of in ’n voedselverwerker. Skep terug in die pot by die res van die sop en roer die snoek-en-melkmengsel ook by. Maak deurwarm en roer die pietersielie deur. Bedien onmiddellik.
WENK: Jy kan die gerookte snoek met skelvis (haddock) vervang. Maak die vis in die melk gaar en voeg die melk en die gevlokte skelvis by.
Wanneer jy ’n groenmielie kook, verhoog jy die vlakke van die feruliensuur, wat kankerwerende eienskappe het.