KOEKIES VIR TEETYD
Daar is niks wat die huis so lekker laat ruik soos die geur van varsgebakte koekies nie.
KANEELKOEKIES
Lewer ongeveer 36 – 40 koekies, afhangende van die grootte
BESTANDDELE Koekiedeeg
1¼ koppies koekmeel ¼ teelepel koeksoda ’n Knippie sout 115 g sagte botter ¼ koppie suiker ½ koppie ligte bruinsuiker 1 eier 1 teelepel vanilla essence
Kaneelsuiker
½ koppie suiker 2½ eetlepels fyn kaneel
METODE
1. Sif die koekmeel, koeksoda en sout saam in ’n bak.
2. Room die botter en twee suikers saam in ’n ander mengbak. (Klits ongeveer 3 minute met ’n elektriese klitser.)
3. Voeg die eier en vanilla essence by. Roer die droë bestanddele by en meng goed.
4. Meng die suiker en kaneel in ’n bakkie. Gebruik twee eetlepels – skep met die een en skraap met die ander. Skep lepelsvol van die deeg en rol dit in die kaneelsuikermengsel tot bedek. Druk elke bolletjie effens plat in die palm van jou hand en plaas ’n entjie van mekaar af op ’n bakplaat wat met bakpapier gevoer is. Bak 12 – 15 minute in ’n voorverhitte oond van 180 °C of totdat die koekies goud van kleur is. Laat die koekies 5 minute lank op die bakplaat afkoel voordat jy dit op ’n draadrak uitpak om heeltemal af te koel. Bêre in ’n lugdigte houer.
Ekgebruik’n klein roomysskepper( van die soort met die klein skraper aan die binnekant) inplaas van eetlepels om die koekiedeeg te skep. Dit werk baie goed. KAREN HART