GRIEKSE SPINASIERYS
Genoeg vir 4 BESTANDDELE
500 g vars spinasie, goed afgespoel, wit gedeeltes en stingels uitgesny en gesnipper Sap van ½ suurlemoen 1 ui, fyngekap 3 eetlepels olie 1 teelepel droë mint 1 eetlepel vars dille, fyngekap 1 koppie rou rys 3 koppies warm water Sout en varsgemaalde swartpeper na smaak Feta-kaas en suurlemoenskyfies vir opdiening (opsioneel)
METODE
Verhit 1 eetlepel van die olie in ’n groot pan. Plaas die spinasie saam met die suurlemoensap daarin en roerbraai totdat die spinasie verwelk het. Haal die pan van die hitte af en hou eenkant. Verhit die res van die olie in ’n swaarboomkastrol en braai die ui daarin tot sag en deurskynend. Voeg die spinasie, mint, dille en die rys by en roerbraai vir ’n minuut of twee. Giet die warm water by en geur met sout en peper. Bring tot kookpunt, verlaag die hitte en bedek die pot. Laat vir 20 minute liggies prut of totdat die rys gaar en die vloeistof weggekook het. Bedien met suurlemoenskyfies en fetakaas.