Spinasie-en-sampioenquiche

Genoeg vir 4 – 6

BESTANDDELE Vir die kors

1½ koppies koekmeelblom ‘n knippie sout 6 eetlepels botter yswater

Vir die vulsel

1 eetlepel botter 1 klein ui, fyngekap 1 x 250 g knopiesampioene, in skyfies gesny 1 koppie gesnipperde, vars spinasie 1 klein rooi soetrissie, wit gedeeltes en pitjies verwyder en in repies gesny ½ koppie gerasperde cheddarkaas ½ koppie gerasperde mozzarellakaas sout en varsgemaalde swartpeper na smaak 4 eiers 1 koppie melk ‘n knippie rooipeper

METHODE

Maak eers die kors: Sif die koekmeelblom en sout saam en vryf die botter met jou vingerpunte in totdat dit soos growwe mieliemeel lyk. Giet bietjies-bietjies yswater by en meng totdat jy ‘n sagte hanteerbare deeg het. Bedek met kleefplastief en laat vir 30 minute in die yskas rus. Rol die deeg uit of ‘n meelbestrooide oppervlak en voer ‘n gesmeerde tert- of quichebord daarmee uit. Plaas bakpapier bo-op die kors en giet keramiekbakbone of gewone droëbone of rys bo-op. Bak in ‘n voorverhitte oond van 200⁰C vir 10 miniute. Verwyder die bakpapier en bone en bak oop vir nog 5 – 7 minute. Hou die kors eenkant terwyl jy die vulsel maak: Smelt die botter in ‘n pan oor matige hitte en braai die ui en sampioene daarin totdat die ui sag en deurskynend is en die sampioene begin sag raak. Haal van die hitte af. Roer die soetrissie, spinasie en twee kase by, geur met sout en peper na smaak en skep in die voorbereide kors. Klits die melk, eiers en rooipeper saam en giet oor die mengsel in die kors. Bak 40 – 45 minute in ‘n voorverhitte oond van 180⁰C.