SJOK-ROOMYSKOEK
Genoeg vir 12
BESTANDDELE
2 koppies sjokoladeroomys 275 ml room 275 ml Nutella 2 eierwitte, styfgeklits ’n Paar Whispers-sjokolade balletjies vir versiering Sjokolade vir versiering, fyngerasper Ekstra room vir versiering, styfgeklits
METODE
Klits die roomys om dit effens sagter te maak. Skep die roomys in ’n gesmeerde 15 cm-losboomkoekpan waarvan die bodem met bakpapier of kleefplastiek gevoer is. Maak seker die roomys vul elke hoek en maak dit glad bo-op met ’n platlemmes. Bedek die pan met kleefplastiek en plaas in die yskas vir twee ure. Klits die room. Vou die Nutella in die room. Meng goed en vou die Nutella-roommengsel by die styfgeklitste eierwitte in. Skep dié mengsel bo-op die fermgevriesde roomyslaag en maak gelyk. Bedek met kleefplastiek en plaas terug in die yskas. Vries vir vier ure (verkieslik oornag). Maak die“koek” versigtig los uit die koekpan en plaas op ’n bord. Versier met Whispers, gerasperde sjokolade en ekstra room soos verkies. Bedien onmiddellik.
WENK: Plaas eers die koekpan vir minstens een uur in die yskas voordat jy die roomyslaag in die yskoue koekpan skep.