Gebed: Bidvirv oorspoedenseën
Elke dag is ’n seëning van God. Maak Hom jou reisgenoot vir die jaar wat voorlê.
Gebed
Ons verlang na U leiding, help ons om altyd die regte keuses te maak en U oral saam te neem. Was ons silwerskoon met U bloed sodat ons opnuut vars kan begin. Kweek vir ons nuwe gedagtes aangaande U in die lang jaar wat voorlê. Dis ons hartsgebed dat elkeen van ons gesond sal bly en dat U ons huwelike en gesinne sal bewaar. Wys ons elke dag wat ons kan doen om by U troon te bly. Here, help ons vanjaar om altyd van ons tyd vir U te gee, al is dit in huisdiens of stiltetyd sodat ons gewapen kan wees met U Woord en ander kan seën soos U ons seën. Vul ons met geloof sodat ons staande kan bly in 2019. Help ons om U nooit te vergeet nie. Help ons om U naam groot te maak in slegte én goeie tye, want aan U kom al die lof en die eer toe. Sonder U is ons niks nie. Here, as ons familie- of werkverhoudings verbrokkel, vra ons U om in te tree. Versterk die bande, bring ons nader aan mekaar om vanjaar ’n onvergeetlike jaar te maak met U aan ons sy. Here, ons prys U! Amen
Be willing to be a beginner every single morning. WWW.GOODREADS.COM
And suddenly you just know it’s time to start something new and trust the magic of beginnings. WWW.BELIEFNET.COM