Pap & cereal: Maakmeerasnetontb yt
Cereal is beslis nie net vir soggens nie – dit is eintlik baie veelsydig! Maak enigiets van terte en koekies tot ’n maaltyd met jou gunstelingontbytpap wat elke gaatjie sal vul.
WENK: Jy kan die vars pietersielie met ’n teelepel droë pietersielie vervang.
HAWERMOUT-SNOEKPASTEI Genoeg vir 4 – 6 BESTANDDELE Kors
400 ml hawermout (oats)
200 ml koekmeel
½ teelepel sout
½ teelepel koeksoda
6 eetlepels botter, gesmelt
2 eetlepels olie
Vulsel
1½ koppies gerookte snoek, velle en grate verwyder, gevlok
1 klein ui, fyngekap
2 eetlepels tamatiesous ’n Skeut Tabascosous
1 eetlepel pietersielie, varsgekap
150 ml melk
2 eiers, geklits Sout en varsgemaalde swartpeper na smaak
METODE
Kors: Meng die droë bestanddele goed in ’n groterige bak en voeg die botter en olie by. Meng goed en druk die mengsel vas op die bodem en rande van ’n tertbord.
Vulsel: Meng al die bestanddele vir die vulsel saam en skep in die kors. Bak vir 30 minute in ’n voorverhitte oond van 180°C.
RICE KRISPIE-SJOKBLOKKIES Lewer ongeveer 12 blokke BESTANDDELE
115 g botter
1 x 150 g-blok donkersjokolade, fyngekap
2 x 65 g-pakkies Whispers, fyngekap
2 x 80 g-dubbelpak Snickers, grofweg opgesny
13 marshmallows, opgesnipper
1 koppie growwe grondboontjiebotter
1 x 125 g-pakkie butterscotchlekkers met sjokoladekern, fyngekap
2 koppies Rice Krispies
METODE
Gooi al die bestanddele, behalwe die Rice Krispies, in ’n swaarboomkastrol en smelt oor baie lae hitte. Roer af en toe totdat jy ’n gladderige mengsel het. Haal van die hitte af en roer die Rice Krispies by. Skep in ’n gesmeerde losboompan van ongeveer 20 x 20 cm, wat met stroke bakpapier, waarvan die punte oorhang, gevoer is. Maak die bokant mooi gelyk en plaas in die yskas totdat dit koud en heeltemal gestol is. Sny in blokkies of stafies.
WENK: Die heel beste manier om alles te smelt, is in ’n dubbelkoker of in ’n vuurvaste bak oor ’n kastrol water wat net-net kookpunt bereik het.
Jy kan die droë kruie enige tyd met vars kruie van jou keuse vervang. Pietersielie of orig a nu m werk baie goed.
OONDGEBRAAIDE “KFC” Genoeg vir 4
BESTANDDELE 8 – 10 hoenderstukke Sout en varsgemaalde swartpeper na smaak
2 eiers ¼ koppie melk
2 ½ koppies graanvlokkies (corn flakes), verkrummel
1 eetlepel hoenderspeserymengsel (resep onder)
2 teelepel sout
¼ teelepel varsgemaalde swartpeper
3 eetlepels botter, gesmelt
Hoenderspeserymengsel
3 eetlepels soutvlokkies
1 eetlepel varsgemaalde swartpeper
½ teelepel droë pietersielie
½ teelepel uiepoeier
¼ teelepel droë tiemie
½ teelepel droë origanum
1 teelepel knoffelvlokkies
¼ teelepel gerookte paprika
1 eetlepel hoenderaftrekselpoeier
METODE
Maak die hoenderstukke skoon en geur met sout en peper. Klits die eier en melk saam. Meng die graanvlokkies met die speserymengsel, sout en peper in ’n aparte bak. Doop elke hoenderstuk in die melk-en-eiermengsel en dan in die graanvlokkiemengsel sodat dit heeltemal bedek is. Plaas dit op ’n groot plat bord en laat vir drie ure so onbedek in die yskas staan. Pak die hoenderstukke uit op ’n gesmeerde bakplaat en bedruip met die botter. Braai vir ’n uur in ’n voorverhitte oond van 180°C en bedien onmiddellik.
Hoenderspeserymengsel:
Meng alles saam en bêre in ’n glasflessie wat dig toeskroef. Dit lewer net so ’n bietjie minder as 100 ml speserymengsel.
VLEISBROOD MET HAWERMOUT
Genoeg vir 4 – 6
BESTANDDELE Vleisbrood (meatloaf)
1 koppie hawermout (oats)
750 g maalvleis
1 klein ui, fyngekap of gerasper
1 klein wortel, gerasper
1 teelepel droë gemengde kruie
1 geklitste eier
½ koppie water Sout en varsgemaalde swartpeper na smaak
Bolaag
2 eetlepels tamatiesous 1 eetlepel bruinsuiker 1 eetlepel mosterdpoeier
METODE
Vleisbrood: Meng al die bestanddele vir die vleisbrood in ’n groterige bak en giet in ’n gesmeerde standaardgrootte broodpan (21 x 11 x 7 cm). Bak vir ’n uur in ’n voorverhitte oond van 180°C.
Bolaag: Meng al die bestanddele en smeer oor die gebakte vleisbrood. Stel die oondrooster op maksimum hitte en plaas die brood vir nog vyf minute terug in die oond.
WEETBIX-VARKFRIKKIES MET SOETSUURSOUS Genoeg vir 6 – 8 BESTANDDELE Frikkadelle
¾ koppie melk
²/3 koppie Weet-Bix, verkrummel
500 g varkmaalvleis
500 g ham, in stukkies gesny
2 eiers
½ ui, fyngekap
½ rooi soetrissie, wit gedeeltes en pitjies verwyder en fyngekap
’n Handvol pietersielie Sout en vasgemaalde swartpeper na smaak
Sous
1 koppie pynappelsap
6 eetlepels bruinsuiker
¹/3 koppie asyn
1 teelepel mosterdpoeier
METODE
Frikkadelle: Week die Weet-Bix in melk en voeg saam met die res van die bestanddele vir die frikkadelle in ’n mengbak. Gebruik jou hande om dit goed te meng en vorm frikkadelle so groot soos tafeltennisballetjies. Plaas dit in ’n gesmeerde oondbak.
Sous: Meng al die bestanddele vir die sous in ’n kastrol en verhit oor matige hitte. Bring tot kookpunt en laat vir ongeveer vier minute kook. Giet die sous oor die frikkadelle en bak onbedek in ’n voorverhitte oond van 180°C vir 30 – 40 minute of totdat die frikkadelle deurgaar is. Bedien met rys, noedels of kapokaartappels en ’n slaai of gestoomde groente.
ALL BRAN-APPELMUFFINS Lewer 12 muffins BESTANDDELE
2 koppies All Bran Flakes
1 ¼ koppies melk
1 eier, ligweg geklits ¼ koppie olie
1 ¼ koppies koekmeel
1 appel, geskil, stronk verwyder en in blokkies gekap
½ koppie geroosterde pekanneute, grofweg in stukkies gekap ½ koppie suiker
1 eetlepel bakpoeier
¼ teelepel sout
METODE
Week die All Bran in die melk vir 30 minute en voeg die eier en olie by. Hou eenkant. Plaas die res van die bestanddele in ’n groot mengbak en meng goed. Giet die All Bran-mengsel by en roer versigtig tot net-net gemeng. Skep in die gesmeerde holtes van ’n 12 gat-muffinpan en bak vir 20 minute in ’n voorverhitte oond van 200°C.
G RA NO LA-SJOK SPLINTER KOEKIES Lewer ongeveer 30 – 40 koekies, afhangende van die grootte BESTANDDELE
225 g botter ¾ koppie suiker
¾ koppie klewerige bruinsuiker
2 eiers
1 teelepel vanilla essence
1 ¾ koppies koekmeel
1 teelepel sout
1 teelepel koeksoda
3 koppies granola
2 x 150 g-blokke donkersjokolade, fyngekap
METODE
Klits die botter en twee suikers saam tot lig en romerig. Voeg die eiers een vir een by en klits ná elke byvoeging. Voeg die vanilla essence by en meng goed. Sif die koekmeel, sout en koeksoda by en meng goed. Roer die granola en sjokoladesplinters by. Gebruik ’n eetlepel en skep hopies op bakplate wat met bakpapier gevoer is. Bak 12 – 15 minute in ’n voorverhitte oond van 180°C. Laat staan vyf minute lank op die bakplate voordat jy dit op ’n draadrak uitpak om verder af te koel.
HAWERMOUTKOEKIES BESTANDDELE
¼ koppie melk
1½ koppies hawermout (oats)
100 g botter
1¹/3 koppie plus 3 eetlepels klewerige bruinsuiker 2 eiers, liggies geklits
1 eiergeel
1 teelepel vanilla essence
1 ½ koppie koekmeel
½ teelepel sout
½ teelepel bakpoeier
METODE
1. Week die hawermout in die melk en laat staan vir 30 minute.
2. Klits die botter en die 1 ¹/3 koppies bruinsuiker saam tot lig en romerig. Klits die eiers, eiergeel en vanilla essence by.
3. Sif die koekmeel, sout en bakpoeier saam in ’n kleiner mengbak. Gebruik ’n metaallepel en vou die meelmengsel versigtig in die botter-en-eiermengsel. Roer die geweekte hawermout by en meng goed.
4. Skep teelepels vol van die mengsel ’n entjie uit mekaar op ’n bakplaat wat met bakpapier gevoer is. Sprinkel die drie eetlepels suiker oor die koekies. Plaas in ’n voorverhitte oond en bak vir 12 – 15 minute of tot goudbruin. Laat staan vyf minute lank op die bakplaat voordat jy dit op ’n draadrak uitpak om verder af te koel.