Tienervel: Goeiesorgvirelkeveltipe
Soos tieners se hormoonvlakke wipplank ry, ly hul vel ook. Hier is hulp vir elke veltipe.
KEN JOU VELTIPE
Kies die regte produkte om jou vel te versorg, maar eers moet jy weet watter veltipe jy het om te weet wat om te kies en wat om te vermy.
OLIERIG EN DROOG (KOMBINASIE)
Jou T-zone (jou voorkop, neus en ken) het groot porieë en is olierig. Die res van jou gesig is normaal tot droog. Vermy mineraalolie en petroleumjellie op die olierige dele en chemikalieë op die droë dele. Gebruik produkte wat sê dis vir ’n kombinasie van die twee velsoorte.
OLIERIG
Jou vel blink baie. Jy het groot porieë en het puisies en blackheads op jou voorkop, neus, ken, bors en rug. Vermy produkte met geure, chemikalieë, mineraalolie en petroleumjellie. Dit kan veroorsaak dat meer sebum (vetterige afskeiding) gemaak word. Kyk vir produkte met salicylic acid, glycolic acid, beta-hydroxy acid en benzoyl peroxide.
SENSITIEF
Jou vel kan van effens rooi wees, ’n gevoel van styfheid het of allergiese reaksies toon wat vlokkies veroorsaak. Gebruik ’n cleanser sonder seep en moisturiser met bestanddele soos mineraalolie, petroleumjellie, silikon en gliserien.
NORMAAL
Jou vel is matte met fyn porieë. Dit blink selde met ’n puisie elke nou en dan, maar dis normaal wanneer jy ’n tiener is. Gebruik produkte met bestanddele wat jou vel sal voed en nie irriteer nie. Kyk uit vir produkte met antioksidante, hyaluronic acid, zinc oxide en titanium dioxide.