6 Hampers vol skryfbehoeftes

Buiten skoolfonds en skoolklere, is skryfbehoeftes waarskynlik een van die grootste uitgawes wat ouers en leerders in die gesig staar. Skole se hande is ook afgekap omdat hulle dit eenvoudig net nie self kan bekostig om skryfbehoeftes te verskaf nie. En met die stygende kostes kan ouers verwag om vanjaar selfs meer daarop uit te gee.

Nie almal kon aan die einde van verlede jaar skryfbehoeftes koop vir hul kinders nie omdat geldjies maar skraps is. Daarom wil ons so bietjie help en ses gelukkige lesers die kans gee om skryfbehoeftes ter waarde van R500 elk te wen. Dit sal help dat ’n paar leerders darem die skooljaar op die regte noot afskop.

SMS KUIER SKRYFBEHOEFTES na 42508 voor Vrydag 18 Januarie 2019. Elke SMS kos R1,50. Wenners word in die uitgawe van 6 Februarie 2019 aangekondig.